Seguidores e seguidoras

martes, 12 de junio de 2012

Encoro das Forcadas en Xuño

  Pois había tempo que non me pasaba polas Forcadas, así que onte pola tarde fun dar un paseíño por alí. A pesar de que a hora non era a mellor decidín facer un pequeno reconto de acuáticas, pero como estou un pouco fastidiado dun xeonllo, só fixen catro das "estacións" que controlo habitualmente: A Cruxeira (1),  A Braxe (2), O Pereiro (3) e A Rañoa (4).


   Esta foto pertence ao ponto de observación Nº1, unha das mellores enseadas para a reprodución de acuáticas.


 Alí observei:
 - 2 Mergullóns cristados (Podiceps cristatus). Poño unha foto.


- 1+1+1 Mergullóns pequenos (Tachybaptus ruficollis)
- 2 Poliños de Lavanco (Anas platyrhynchos)
- 1+1 Galiñolas (Fulica atra)
-1 Galiña de río (Gallinula chloropus)
- Rás verdes (Rana perezi). Escoitei dous machos cantando. Neste encoro semella que a poboación de Caranguexo vermello estaría en declive, un fenómeno que (de confirmarse) resultaría de difícil explicación. Quizá en breve falemos disto e dalgo máis.
 Logo parei no ponto 2, onde só vin un grupo de 5 Mergullóns cristados, no centro do embalse.
Desde o ponto 3 censei:
- 1+1 Mergullóns pequenos. Foto.



- Un grupo de 14 Lavancos (Anas platyrhynchos). A maioría deles machos en muda.
Por último fixen a parada da Rañoa (4), unha das que máis me gostan. Localízase frente á illa, algo que favorece o asentamento de acuáticas (o illote non é a casa asolagada que aparece na foto).


 Alí vin:

- 3 Mergullóns cristados (P. cristatus), bastante lonxe. Probablemente eran parte do grupo anterior.
- 1+2 Mergullóns pequenos (T. ruficollis). A parella semellaba estar facendo a ceremonia de cortexo, collendo algas do fondo ou algo así coma ofrenda.
- 1 Galiñola negra (Fulica atra). Este ano aínda non vin polos (tampouco lle fixen demasiado seguemento).


- Varias Rás verdes (R. perezi) escoitadas. O día desapacible e ventoso  tampouco era o mellor para a actividade deste anfibio.

 Ata outra.

No hay comentarios:

Publicar un comentario