Seguidores e seguidoras

domingo, 25 de noviembre de 2012

Ortigueira. Lontras e Pentumeiro americám

   Pois volvim pola Ria de Ortigueira este domingo, na companha do Manu Arzúa (Drosera). Nesta ocassom a visita era umha visita fotográfica, tranquila e sem préssas. Agora tenho a reflex abandoada e prefiro empregar a compacta, sobretodo em espaços tam abertos como as rias, onde as distáncias coas aves som a miúdo enormes.

 No peirao de Ortigueira surpreendérom-nos aginha umha série de berros moi agudos. Umha família de Lontras (Lutra lutra) formada pola nai e mais dous cachorros nadavam cara o pantalao deportivo. 


   Estavam moito agochados, sem a penas sair da protecçom do pantalám e apenas puidemos tirar un par de fotos

 Lontra (Lutra lutra) com umha cria nas costas

 Emquanto miravamos para elas, outros dous exemplares aparescerom correndo sobre o intermareal de Ponta Fornelos.. A distancia era demasiada nesta ocassom..

Lontras correndo polo inter-mareal. Imagem típica da ria

   O melhor de todo foi que ainda puidemos observar outros tres indivíduos nas canles de San Claudio-Mera o outro máis solitário. Probávelmente todos diferentes, se temos em conta a distáncia entre eles. Total: 9 Lontras observadas numha mesma manhá (superando o meu récord anterior de 7 ex)

 Este Gaivotom (Larus marinus) mirava o quê faziamos:

Gaivotom (Larus marinus)

 Nas ribeiras de Sam Cláudio adoita haver enormes bandadas de anátidas, mioritariamente Asubiadores, que formam aqui grupos de entre 500 e 1000 indivíduos. Mas hoje nom tocava censo.

 Patos asubiadores em San Cláudio

Patos asubiadores (Anas penelope)

 Localiçamos também o "famoso" Pentumeiro careto (Melanitta perspicillata), umha raridade procedente do continente americám e que já nos visitou nalgumha ocassom anterior.

 Pentumeiro careto (Melanitta perspicillata), fémia ou jov.

Nas junqueiras de Spartina caminhava silenciosa umha das Garças brancas (Egretta alba) que invernan na ría. Este ardéido converteu-se em umha espécie comum e familiar para os ornitólogos e ornitólogas da zona

 Garça branca (Egretta alba)

  Dous Cisnes bravos (Cygnus cygnus) aparesciam a contra-luz, tamém na ribeira de Sam Cláudio. Um adulto acompanhava um indivíduo juvenil. Semelha que este Outono estamos a ter umha pequena "invassom" de cisnes. De feito andava tamén pola ria o exemplar jovem de Cisne mudo (Cygnus olor) que chegóu cos bravos.

Cisnes bravos (Cygnus cygnus), adulto e jovem

Por último ponho umhas cifras de hoje (nom pensariades de verdade que nom havia contar nada?):

- 1 Mobêlha grande (Gavia immer)
- 3 Mergulhons de pescoço negro (Podiceps nigricollis)
- 4 Culhereiros (Platalea leucorodia)
- 31 Patos culher (Anas clypeata) na ria central. Nom fomos a Mera.
- 18-20 Pentumeiros comuns (Melanitta nigra)
- 1 Mergo cristado (Mergus serrator), fémia ou juvenil
- 23+ Pilros grosos (Calidris canutus)
-15 Maçaricos rabinegros (Limosa limosa)

 Até outra!



8 comentarios:

  1. Perfecto!

    És marabilloso... rapás

    Déboche unha (unha máis, quero dicir)

    ResponderEliminar
    Respuestas
    1. A mandar, campión. Ti síguelle dando o blog que iso é o importante. Xa sabes que leo todo o que escribes e os comentarios que che mandan, aínda que sexa un badulaque comentando.
      Apertas.

      Eliminar
  2. Un "badulaque"! Ja, ja, qué bon! Facía tempo que non escoitaba esa expresión, moi típica dos puretas. Estaste volvendo un vello antes de tempo, tío...

    ResponderEliminar
  3. Alégrome de que solucionaras o problema Xabi. Non tiña nin idea de que podía pasar isto. Supoño logo que me acabará pasando tamén a min máis cedo ou máis tarde. Si ten solución, non é preocupante logo.
    Apertas.

    ResponderEliminar
  4. Acabará, Quique, acabará...Mas agora ja conheces a soluçom!

    ResponderEliminar
  5. Parabéns por amanhado o problema tecnológico!

    Um abraçote,
    Damián

    ResponderEliminar
  6. Com colaboradores coma ti ou Martinho a vida é mais doada para este torpe blogueiro.

    Um abraço.

    ResponderEliminar

Para comentar es necesario identificarse con nombre y apellidos