Seguidores e seguidoras

viernes, 15 de febrero de 2013

Pílharas reais (Charadrius hiaticula)

  NOTA: É pretenssom deste blogue fazer-se entender polos seus lectores e lectoras. E quero aproveitar para dar-vos umha pequena série de recomendaçons sobre a pronúncia da norma reintegracionista que por vezes emprego. Será de utilidade para aqueles que nom saibam ler esta norma, que nom é a "normativa", mas é a considerada por moitos (e por mim também) coma o galego autêntico. Porque nom hai cousa que mais pena me dea que ver à gente do Norte de Galiza fazendo sesseio e pronunciando "à portuguessa" em quanto vem certas grafias como a cedilha e o -mh-:

- "Recomendaçom" pronuncia-se "recomendazón" (é moi longo de explicar). A cedilha (-ç-) deve ser pronunciada exactamente igual que o -z-, na nossa zona.
- "já"...pois é simplemente "xa". A -j- equivale fonéticamente ao -x-.
- "Umha" pronúncia-se coma o normativo"unha", para nos entender. Digamos que é un -n- palatal disfraçado de-m-
- O "-m" a final de palavra é também coma se fosse um "-n", polo mesmo motivo. Quando vejades palavras coma "nom", "sem" ou "camiom", imaginade que pom "non", "sen" ou "camión"!
- O "-nh", como seguramente saberedes, é o famoso "-ñ-", umha grafia que só existe em espanhol e em galego normativo. Pero realmente devera escrever-se coma -nh- na nossa língua.

E nom me vou meter na acentuaçom, porque daquela já vos liaria moito. Espero que, com estes pequenos conselhos, vos seja ("sexa") mais doado ler as entradas em galego-português.  Os motivos de que estas regras nom sejam oficiais no galego actual obedecem a causas moi complexas, que nom  procede explicar aqui. Simplesmente quero ajudar-vos para que me entendades melhor.

ENTRADA

Venho de fazer umhas provas na beira Sul da ria de Ferrol. Vai sendo hora já de empregar o formato RAW, umha prestaçom bem interessante para aqueles e aquelas que publicamos em blogues e possue a minha compacta (prefiro evitar o anglicismo "bridge").

 A penas tenho cousas novas para contar; assi pois, deixo-vos com umhas fotos tiradas esta mesma tarde na cativa praia de Sao Valentim, em Fene. O enfoque é algo no que também devo trabalhar um pouco, já que observo defectos na nitidez dos objectos. Culpa, sem dúvida, do fotógrafo, e nom da cámara.



Pílharas reais (Charadrius hiaticula)

 Carrám cristado (Sterna sandvicensis)

Bilurico das rochas (Actitis hypoleucos)

2 comentarios:

  1. Encántanme as túas fotos. Quizáis algún día te animes a facer unha guía visual de identificación de aves. Eu agradeceríala moito, jeje.

    Apertas

    ResponderEliminar
    Respuestas
    1. Grazas de novo, Inés. Pero iso que pides xa o fan outros compañeiros, e moito mellor do que puidera facer eu, por certo. Mira na lista de blogues recomendados o último "lote" (Fotografía da natureza). E vas ver que pedazo de fotos se marcan Fernando, Pepe, Isolino, José Angel ou a tropa de "Calidris".

      Eu intento ofrecervos outra cousa. Se non, todos faríamos o mesmo, non si?

      Eliminar

Para comentar es necesario identificarse con nombre y apellidos