Seguidores e seguidoras

lunes, 30 de septiembre de 2013

Censo de limícolas na ria de Ortigueira

  Ontem visitava a ria de Ortigueira, na companha de Marcos Alonso. O passo está em dias intensos e cómpre tirar proveito dele. Ainda que a maré nom colaborou, pois estava já crescida davondo, nem o tempo tampouco (choveu a primeira hora e estivo nuvoso toda a manhá).
  Mas nom podemos ter queixa. A jornada foi moi boa en quanto a observaçons, especialmente de aves limícolas, que estám agora em pleno passo migratório. O mais salientável foi:

- 3+ Mergulhóns pequenos (Tachybaptus ruficollis)
- 1 Garça branca (Egretta alba) en Ladrido. Primeiro registro outonal este ano.
- Un bando de 26 Colhereiros (Platalea leucorodia). Esta ave espectacular está a ser cada ano máis numerossa, e longe quedan os tempos em que o avistamento dum exemplar era notícia.

Colhereiros (Platalea leucorodia)

- 67+ Patos asubiadores (Anas penelope), a anátida máis abondossa da ria. Na enseada de Feás havia 25 mais polo menos, que nom puidemos contabilizar.
- 6 Patos rabilongos (Anas acuta). Tamém observamos exemplares em Feás
- 59 Cercetas reais (Anas crecca)
- 7 Patos colher (Anas clypeata)
- 4 Frisados (Anas strepera)
- 1 Pentumeiro comum (Melanitta nigra) macho no Cavalar
- 1 Águia pescadora (Pandion haliaetus) pousada num curral marisqueiro
- Um Açor (Accipiter gentilis) juvenil que passou por cima nossa na enseada de Mera. Nom todo ham ser aquáticas...


    O tempo nom era bom, como já dissem. Porém, figemos um censo bem interessante!:

 - Gavitas (Haematopus ostralegus). Nom censadas. Umhas 200 ou assi.
- 3 Pílharas cincentas (Pluvialis squatarola)
- 1 Pílhara dourada (Pluvialis apricaria)
- 109 Pílharas reais (Charadrius hiaticula). Quase todas no Cavalar.

Gavitas (Haematopus ostralegus)

Pílhara real (Charadrius hiaticula)

- 34 Pilros tridáctilos (Calidris alba) na praia de Cariño, já na "ria exterior"
- 67 Pilros grossos (Calidris canutus); a maioria na ria central
- 241 Pilros comuns (Calidris alpina)
- 2 Pilros pequenos (Calidris minuta) na Lagarea e Sam Cláudio
- 8 Pilros ferrugentos (Calidris ferruginea). Penso que havia mais

Bando de Pilros grossos (Calidris canutus), no centro da imagem

Pilro pequeno (Calidris minuta)

- 105 Maçaricos rúvios (Limosa lapponica)
- 2 Maçaricos rabinegros (Limosa limosa)
- Moitos "maçaricos de bico curvo", em cifras habituais (ponhamos uns 80-100 Numenius phaeopus e uns 500-600 Numenius arquata)

Maçarico rúvio (Limosa lapponica)

- Biluricos típicos (Tringa totanus e Tringa nebularia). Nom censados hoje.
- 1 Combatente (Philomachus pugnax), observado primeiro na ria central e, posteriormente, descansando no dique da Acea durante a preamar.

Limícolas no dique da Acea de Cuínha

Combatente (Philomachus pugnax, no centro da fotografia)

  E remato com esta foto dun Pedreiro, um paseriforme que representa coma poucos o passo outonal, e que nestas alturas podemos ver arreo por toda a comarca de Ferrol e Ortegal

Pedreiro cincento (Oenanthe oenanthe)

 Até a próxima!

2 comentarios:

  1. gustoume moito o dia de paxarada ainda que fiquei coas ganas do martin pescador e da lontra,mais outra vez sera.
    moi interesante aprender un pouco sobre este mundillo dos paxaros a o que non estou afeito.
    bon despidome dandoche as grazas polo domindo paxareiro.

    ResponderEliminar
    Respuestas
    1. De nada home; para iso estamos. E lembra que ao inicio de frase escrébense maiúsculas.
      Unha aperta

      Eliminar

Para comentar es necesario identificarse con nombre y apellidos