Seguidores e seguidoras

domingo, 4 de mayo de 2014

O gordo está por vir

 Esta mañá había un incremento moderado na cantidade de limícolas, pero menos do esperado. As cifras de hoxe, arredor das 450-500 aves, corresponse máis ben cun día de mediados de Abril. Tendo en conta o retraso xeral que parece haber este ano na migración das aves (comentábamo tamén Curt, referente ao centro peninsular) é previsíbel que o pico migratorio teña lugar un pouco máis tarde do habitual.

  Pero non nos aburrimos os que alí nos xuntamos: Pablo e Antonio Gutiérrez, David Martínez, Vitín (un colega da SGHN e fotógrafo profisional), Alejandro Martínez e máis eu. Entre outras cousas, observamos:

- 3 Garzas brancas (Egretta alba). Xa monstran parte da coloración nupcial. Esta foto da Frouxeira hai vinte anos valería millóns. Hoxe xa case parece pouca cousa. Como está a mudar a nosa fauna...


- 85 Píllaras reais (Charadrius hiaticula). As cifras de limis sempre van incrementándose a medida que avanza a mañá, debido a presenza da peste que invade a praia todos os días.
- 20 Píllaras cincentas (Pluvialis squatarola)
- 2 Pilros grosos (Calidris canutus)
- Uns 300-320 Pilros comúns (Calidris alpina). Moitos metéronse entre as xunqueiras e iso dificulta o censo.
- 45 Pilros tridáctilos (Calidris alba)
- 1 Combatente (Philomachus pugnax)
- 24 Mazaricos rubios (Limosa lapponica)
- 1 Mazarico chiador (Numenius phaeopus)
- 5 Mazaricos reais (Numenius arquata). Vinos en Taraza a primeira hora, pero seguro que viñan de durmir na lagoa.
- 6 Biluricos comúns (Tringa totanus)
- 3 Biluricos claros (Tringa nebularia)
- + Biluricos das rochas (Actitis hypoleucos)


    Como sempre que estou entre fotógrafos acribilleinos a preguntas de todo tipo. E estiven practicando a captura de aves en vó; todo un desafío cunha cámara bridge. A ineptitude no encuadre e só culpa miña (non dou feito un encuadre atractivo cando disparo a un bando de aves nin de coña)



 Varias Píllaras dedicaban o tempo a baño e masaxe.

 Píllaras reais (Charadrius hiaticula)

 O Pilros tridáctilos a comer, nada máis. Éstes non andan con conachadas.

 Pilro tridáctilo (Calidris alba)

 O Mazarico rubio (Limosa lapponica) adoita achegarse moito á pista peonil. Grande, próxima e estática. Así dá gusto.

Mazarico rubio (Limosa lapponica)

  Iso, tranquilos, que aínda queda moito paso. Houbo anos (poucos) en que unha sucesión de borrascas de SW impideu a sedimentación de limícolas na lagoa durante todo o período de migración. Pero nesta ocasión a climatoloxía é a propia destas datas. Así que probablemente o forte está por vir.

6 comentarios:

  1. Bonitas fotos Xabi
    Sobre todo a da limosa e a das pillaras chapoteando.
    Esto das aves engancha e mais dando con xente como vosoutros.
    Saudos, Alejandro

    ResponderEliminar
    Respuestas
    1. Grazas, Jandro. A min pásame o mesmo coa fotografía cando estou con xente coma vós.
      Unha aperta

      Eliminar
  2. Mi madriña...e dis que o gordo aínda está por vir... menuda gozada!

    Apertas

    ResponderEliminar
    Respuestas
    1. A ver... eu penso que si. Igual en quince días temos o pico de verdade....

      Eliminar
  3. Hola, Xabi.
    Ayer en Esteiro de Umia había unos cuantos Limosa lapponica y Numenius sp. aliméntandose tranquilamente hasta llegó un hombre con un perro del tamaño de un poni y se bañaron los dos todo a lo largo de la orilla.
    ¡Te acompaño en el sentimiento!
    Un saludo,
    Eileen Walters.

    ResponderEliminar
    Respuestas
    1. E imagino que ese esteiro está dentro de la Zepa, LIC, Ramsar de O Grove, para mayor cachondeo.
      Cuando me cuentan cosas sobre tu país (u otros del norte de Europa) y del gran respeto que se tiene por la Naturaleza no sabes la envidia que tengo.
      Pero aquí estamos todavía el el Paleolítico inferior...
      Un abrazo, Eileen.

      Eliminar