Seguidores e seguidoras

lunes, 20 de abril de 2015

Lagoa da Frouxeira, 18-04-2015 (Já queda menos!!)

  Arestora, a lagoa de Valdovinho volver estar aberta ao mar a través da canle.

 Canle de desaugue

    O passado sábado desaugava com força.

 Desembocadura no mar

  O nível hídrico era óptimo, mais alto do habitual nestas alturas, e que favoreceria a criança de aquáticas de manter-se um par de messes. Aínda que o mais provável é que baleire muito nos próximos dias.

 Aspecto geral da lagoa


  O mais salientável dentro das aves foi:

- 21 Mergulhoes pequenos (Tachybaptus ruficollis). A fenologia de criança é moi tardia aqui, em comparaçom com outros humidais.
- 1 Garça vermelha (Ardea purpurea). Primeiro registo da temporada
- 8 Cercetas albelas (Anas querquedula). Este ano estamos a ter umha das sedimentaçons mais prolongadas desta especie que eu recorde
- 1 Pato chupom (Aythya ferina)
- 10 Galinholas negras (Fulica atra)
- 2 Galinhas de rio (Gallinula chloropus).
- 2 Pílharas cincentas (Pluvialis squatarola)
- 3 Biluricos comuns (Tringa totanus)
- 2 Biluricos claros (Tringa nebularia)
- 12 Pilros (Calidris alpina/alba)
- Um Picapeixe (Alcedo atthis)
- Umha Folosa dos carriços (Acrocephalus scirpaceus). Já escoitara outra o passado dia 12

Concentraçom de Mergulhons

Cerceta albela (Anas querquedula)

  Sem embargo o máis chamativo estes dias som as roladas de patinhos que dam alegria renovada e chamam a atençom de visitantes e paseantes


   Polo de agora únicamente som polos de Lavanco (Anas platyrhynchos). Os Frisados (Anas strepera) ham tardar um par de messes em aparescer.

  Os machos abandonam às fémias logo da eclossom, e elas serám as encarregadas de sacar adiante as roladas de 12-18 pitinhos. Non é umha tarefa singela para a nai, pois os polinhos de Lavanco som atrevidos a mais nom poder, e gostam de saír de "aventura" eles soínhos, algo que muitas vezes conlevará a desorientaçom e a morte por parte dalgúm dos numerosos predadores que vivem na lagoa.


    O sábado havia quatro roladas com 4, 10, 11 e 12 polinhos de curta idade. As patas tentam em todo momento nom perdê-los de vista...


 ... cousa impossível com alguns deles...

Polinho de Lavanco de "aventura solitária"

  A outra nova ornitológica importante foi a observaçom de 2 Galinhas de rio (Gallinula chloropus), un rálido que está a desaparecer de maneira alarmante em todos os humidais do extremo Norte.


  Coincidindo co aumento das temperaturas, milhoes de Mosquitos (Fam. Culicidae) voam sobre as augas formando nuvens inmensas. Nom é seguramente o insecto mais "fotogénico" nem interessante, mas cumpre um importante papel na base da pirámide ecológica dun humidal, como parte da sua biomassa. E serám moitos pequenos animais os que se alimentem tanto dos imagos como das suas larvas.

 O odiado Mosquito bem merece, polo tanto, umhas fotos em Bichos. Se alguém pode identificar as spp agradece-se. Ambos som "culicinos". O macho, polas antenas e palpos, poderia ser Cahobonus crystallinus?

Mosquito macho

  E a fémea... quiçá Dixella aestivalis?

Mosquito fémea

    E como digo no título, já queda menos!! O passo de Maio está às portas. Ide afinando os telescópios, engraxando os contadores e cargando as baterias das cámaras. Chega o melhor momento do ano na Frouxeira!

6 comentarios:

  1. Tés toda a razón Xabi. Os mosquitos non son os animais máis adorables para o ser humano. Pero coma todos, cumpren a sus función na cadena alimenticia dun ecosistema. Cantos humidais desaparecidos ó longo dos séculos pola excusa de querer erradicar os mosquitos...
    Una alerta.

    ResponderEliminar
    Respuestas
    1. Ben, como sabes os mosquitos non che son "mala xente", Quique. Pero as mosquitas si que gozan de especial simpatía por parte do ser humano grazas á sua afeizón vampírica...

      Eliminar
  2. ¡Magníficas fotos, Xabi. Vaya dicho con la mayor de las envidias. Un fuerte abrazo, José

    ResponderEliminar
  3. Hablas del mejor mes para A Frouxeira ¿Por el paso de migrantes prenupciales? ¿A primeros, mediados o finales de mayo? Plis: orienta a este viejo despistado. Y millón de gracias, fenómeno. Un abrazo de José

    ResponderEliminar
  4. Si claro, falo de paso de limícolas, un espectáculo único en Galiza e que soe darse na primeira semana de Maio, aínda que ás veces atrásase ata mediados ou (máis raramente) se adianta a finais de Abril.
    Tereivos informados en canto empece a notarse.
    para iso hai dúas condicións "sine qua non":
    1- Que a lagoa estea baleira. Isto está case garantizado
    2- O vento vire a NE durante varios días. Isto tamén é o normal nestas datas.
    Outro abrazo José. Curt, supoño, que nunca me pos o apelido macho (menos mal que a ti se te distingue ben pola maneira de escribir...)

    ResponderEliminar
    Respuestas
    1. Muchas gracias por la información. A ver si puedo darme un garbeo por Galicia a mediados de mes. Oche, alemán de Monfero, ojo mágico bridge, castigo de canes sin collar, que cada día me gustan más tus fotos. Tú eres capaz de fotografiar con el microondas y seguro que lo haces bien. Y, claro, no sería mérito del microondas. Un fuerte abrazo de José

      Eliminar

Para comentar es necesario identificarse con nombre y apellidos