Seguidores e seguidoras

sábado, 9 de enero de 2016

Última hora: a lagoa de Valdoviño aberta e baleirando

  Pois non había mellor regalo de reis para os ornitólogos locais que a apertura da lagoa da Frouxeira, que empezaba a ter un nível hídrico demasiado alto.
  Hoxe, cando voltaba de censar a ría de Cedeira, fixen unha brevísima parada para ver o estado da canle, que estaba recén aberta:


   Non había escavadoras nen rastros delas e ademáis a canle está aberta pola zona Oeste da barra, lonxe do trazado oriental que é o que sempre abren os da Xunta. Así pois ten toda a pinta de que foi outra apertura espontánea, que son as que máis rápido baleiran o humidal.
    Lóxicamente é unha estupenda nova para os que imos censar a lagoa, pois o baleirado favorece a biodiversidade e facilita enormemente os conteos de acuáticas. As limícolas agradecerano especialmente, que agora teñen un refuxio seguro para escapar da peste canina que converteu a praia nun lugar hostil para a vida salvaxe.

  O prognóstico meteorolóxico para mañá é ben malo, polo que quizá haxa que adiar o censo, pero quen vaia á lagoa de seguro que non se aburrirá.

No hay comentarios:

Publicar un comentario