Seguidores e seguidoras

viernes, 26 de febrero de 2016

Mergulhons de pescoço preto (Podiceps nigricollis) com plumagem de Primavera

Pois mais um ano temos aos "nossos" Mergulhôes de pescoço preto em plena muda nupcial:


     Logo de pasar o inverno nas nossas augas coa plumagem bicolor é agora quando o seu nome vulgar colhe pleno significado, ao se tornar de cor preta (ou negra, pois temos ambas palavras em galego-português). Porém, nos grupos que aínda permanecem invernando resulta doado atopar indivíduos em diferentes fases de coloraçom.


   Hoje contei uns 60-65 mergulhóns, o qual significa que segue aqui todo o contingente de invernantes que fórom chegando desde primeiros de Novembro e acadárom a final do mes de Dezembro a cifra máxima, que aínda se mantém nestas alturas de Fevreiro.

 Canon SX60 (focal 247 mm)  ISO 640   V: 1/250   F: 6,5


   Arestora os reclamos de contacto som muito máis frequêntes entre eles e mesmo poderemos ver paradas nupciais se estarmos atentos.  Para se alimentar nas augas da nossa ria escolhem zonas com 1-5 m. de profundidade e com fundos areentos, onde abondam góbidos (gobidae) e signátidos (singnatidae) polos quais semelham ter grande preferência; alomenos aqui.
  Desde logo esta manhá as condiçons de luz eram bastante penosas, polo que compria fazer equilíbrios para nom subir a ISO demasiado alto nem baixar muito a velocidade e que saíram movidas. Asi pois as fotos boas terám que esperar.

 Canon SX60 (focal 247 mm)  ISO 640   V: 1/250   F: 6,5

 Mergulhóns de pescoço negro (Podiceps nigricollis)

   Olhando para o bárrio de Carança (o máis povoado e problemático de Ferrol) parecia-se adivinhar a vaga de frio e neve que chegará esta tarde a Galiza (com alerta laranja por neve na montanha)

 Bárrio de Carança, Ferrol.

 Paisage da ria desde o peirao de Maninhos, Fene

   Rematamos com um Corvo marinho, que tamém estám a mudar cara as suas galas mais fermosas. E que, polo visto, está a diminuír os seus efectivos invernantes na ria, como indicam os censos que realizamos na SGHN. De cifras de arredor de 400 aves temos pasado a menos de 200 nos dous últimos anos, um descenso de um 50 %, o qual supom umha barbaridade.

Corvo marinho real (Phalacrocorax carbo)

 Boas tardes. Paz e palavras.

No hay comentarios:

Publicar un comentario