Seguidores e seguidoras

jueves, 21 de abril de 2016

Lagoa de Valdovinho, 21-Abril

Hoje passei brevemente por Valdovinho para ver se havia novidades na lagoa. E hai-nas, como esta Pílhara pequena (Charadrius dubius), umha limícola que é francamente rara por aqui aínda que quasse todos os anos aparesce algum indivíduo entre finais de Março e primeiros de Maio.

 Pílhara pequena (Charadrius dubius)

  Ademais observei:

- 20 Pílharas reais (Charadrius hiaticula)
- 2 Pílharas cinzentas (Pluvialis squatarola)
- 4 Biluricos comuns (Tringa totanus)
- 1 Maçarico ruivo (Limosa lapponica)
- 2 Biluricos das rochas (Actitis hypoleucos)
- 50 Pilros comuns (Calidris alpina)

 Biluricos comuns (Tringa totanus)

   Por ali andava umha fémea de Alvanco com apenas dous polinhos. A saber onde ficaria o resto da rolada (imagino que vítima de predaçom)

 
 Os Patos frisados (Anas strepera) amosam umha fenologia bastante mais retrasada. Nestas alturas andam a fazer-se as beiras constantemente e resulta moi doado contemplar as perseguiçons aéreas dos machos às fémeas. Este exemplar nom parava de buscar o "contato"...


  A pesares de ter umha coraçom bem máis singela que o resto de anatídeas nom deixa de ser moi fermoso em quanto colhem a plumagem nupcial. Assi que bem vale coma imagem de despedida.

Pato frisado (Anas strepera)

No hay comentarios:

Publicar un comentario