Seguidores e seguidoras

lunes, 16 de mayo de 2016

Folosa manchada (Locustella naevia), de volta por Valdovinho

 Logo de várias entradas bastante tristes e pesimistas digo eu que vai tocando umha mais alegre. E nesta manhá de ponte feriada (amanhá é o dia das nossas letras) desfrutei de novo coas Folosas manchadas (Locustella naevia) numha visita à grelha NJ62.

 Folosa em silveira

    Levava muito tempo na sua procura e este ano semelhava que non havia-mos de ter tampouco citas da espécie. Coma último "recurso" hoje empregava reclamos desde o teléfone móvel, umha práctica da que nom gosto e que só justifico em casos nos que se necesita información científica, coma é recopilar dados sobre distribuiçom para o Atlas de Aves.


  Antes parecera-me escuitar dous tímidos e breves cantos. Em quanto puxem o canto desde o dispositivo aparescéu inmediatamente um macho moi territorial.


  Estivem tentando determinar quántos indivíduos havia na parcela prospectada - pertencente à parróquia de Lago - e botei um rato controlando alternativamente dous possíveis territórios. Finalmente detectei o que penso que eram dous machos diferentes e unha fémea, que aparescéu em várias ocassoms voando moi baixo perto dum macho cantor, sem emitir voz nengumha.


   O hábitat da observaçom era um entorno de vegetaçom máis desenvolta ca noutras ocassons, com moita umbelífera e grandes superfícies de silveiral (Rubus sp).

 Folosa entre umbelíferas

  Temos o resto da Primavera para fazer seguemento destes exemplares, ubicados em territórios históricos da espécie, que en Valdovinho ocupa básicamente pradarias húmidas nas veigas do rio Magno, canaveiras/junqueiras da lagoa da Frouxeira e prados enchoupados com gram desenvolvimento de vegetaçom na contorna da própria lagoa.


 Folosa manchada (Locustella naevia), macho cantor

 Por último, salientar a observaçom do meu primeiro Picanço (Lanius collurio, o único que nidifica por Ferrol). Pontual, coma sempre.

Picanço vermelho (Lanius collurio)

 Graças por estarem aí.

5 comentarios:

  1. Noraboa Xabi! O traballo ten a súa recompensa. E tanto que a buscaches por fin deches con elas. Si fora outro xa as daba por perdidas... Imaxino a alegría que te levaches ó atopalas.
    Apertas.

    ResponderEliminar
  2. Que fotos lindas...da gusto miralas. A serio que si. Unha aperta.

    ResponderEliminar
  3. Moi boas fotos da folosa!

    ResponderEliminar
  4. Preciosas e complicadas Xabi, unha fermosura de ave tan complicada de ver.

    ResponderEliminar
  5. Grazas a todos. Acabo de ler os vosos comentarios, que os tiña perdidos pendentes de moderar. Perdoade!

    ResponderEliminar