Seguidores e seguidoras

miércoles, 20 de septiembre de 2017

Forcadas e Ría de Ferrol

    O domingo pasado estiven no encoro das Forcadas. Decidín practicar a toma de panorámicas sobre trípode, un terreo especialmente complicado coas bridge polo escaso rango dinámico que posúen pero moi importante á hora de transmitir as paisaxes coa maior realidade.


   Como digo todas as fotos foron tiradas sobre trípode, con autodisparo e a velocidades moi lentas debido á falta de luz. Descubrín que Lightroom dispón de ferramentas estupendas como a posibilidade de atenuar a "claridade", reducindo así ese desagradábel efecto dixital (ou de "acuarela") que ofrecen os sensores pequenos.


  O encoro amosa nestas alturas un baixo nível hídrico, con importantes lameiras nas colas do pantano, aínda que a persistencia de ventos de N e NW empobreceron moito o paso de limícolas.


  Respecto das observacións salientar 1 Bilurico bastardo (Tringa glareola), moi serodio, e 6 Biluricos alinegros (Tringa ochropus). Non lembro unha sedimentación migratoria tan prolongada destas especies se exceptuamos a invernada confirmada de ochropus o inverno pasado.


  Esta mañá collín parte da mañá libre e dei unha volta pola Ría de Ferrol. Ás oito e media da mañá aínda non daba o sol en San Valentín (Galiza debería ter a hora de Portugal).


  Quizá por iso collín un grupiño de 3 garzas boieiras que pasaron a noite nesta pequena praia artificial e que axiña marcharon coas primeiras raiolas de sol. Nos últimos anos a boieira é un ardeido común durante o inverno na Mariña luguesa; en Ferrol aínda é moi escasa pero xa podemos considerala como anual.

 Garzas boieiras (Bubulcus ibis)

    Na praia de San Valentín había láridos e algunhas lmícolas comúns, destacando 20 Gaivotas cabecinegras (Larus melanocephalus), unha con anela metálica, e 1 Pilro groso (Calidris canutus).

 Gaivota escura (Larus fuscus)

 Pilro groso (Calidris canutus)

Pilro común (Calidris alpina) JPEG editado con Lightroom
Sony RX10 (focal 220 mm)  ISO: 80  V: 1/320   F: 4,5
(Foto MOI recurtada)

   Dicíame Xan Silvar que a partir de agora preguntareime como puiden vivir antes sen o Lightroom. Cánta razón ten o mestre!

9 comentarios:

  1. Qué crack eres ya me lo decían y cada pots me lo de muestras más, un saludo y un gran pots, me as dejado con ganad

    ResponderEliminar
  2. Teño un amigo que controla moito de fotografía e é un "fanático" do Lightroom. Estiven un día véndoo con él, e a verdade é que me gostou moito. Ten boas ferramentas de edición, pero no que é máis potente é á hora de xestionar os arquivos. É preciso ser metódico e rigoroso á hora de descargar as fotos, pero logo a navegación para buscar a que queremos é moi doada.
    Moi chulas as fotos.
    Unha aperta.

    ResponderEliminar
    Respuestas
    1. Pois fíxate ti que precisamente pola maneira que teño de traballar os arquivos Fran recomendoume o Photoshop. Lamentablemente non puidemos instalalo (problemas coa "bibilioteca de Windows) e por iso quedei co Lightroom, que vai de cine tamén.

      Eliminar
  3. Parez que há entrada de garças-boieiras na Galiza: comentaba Fer Pereiras de 13 aves em Sorna (Mugia), Ramsés Pérez 9 em Louro (Muros) e Xabi V. Pumariño 4 na ria do Burgo (Culheredo). Curiosamente, no NOG só há um registo recente subido do 10 de agosto em Cospeito. Abraço! Damián

    ResponderEliminar
    Respuestas
    1. Bem, eu se nom subo citas é por falta de tempo. Em quanto tenha folgos farei-no.

      Eliminar
  4. Respuestas
    1. É un acertixo, David? (peguei iso no buscador e non busca nada)
      Lembra que eu proveño do paleolítico inferior en asuntos internáuticos.

      Eliminar
  5. Estou leendo o dilema de Spallanzani e hai un párrafo que di sobre Galicia"vivimos en el país de los eufemismos".Onde algún quere ver simbiose entre algunhas plataformas eu soamentes vexo parasitismo,ego e loitas de poder.En fin...
    PD.RRSS=redes sociais

    ResponderEliminar
    Respuestas
    1. Polo menos aínda non nos arrincamos os ollos, como lle facía Spallanzani aos pobres morcegos (todo pola ciencia)...

      Eliminar

Para comentar es necesario identificarse con nombre y apellidos