Fotografías co teléfono móbil

  Hai unhas semanas aprendía de Fernando Pereiras que tamén se pode empregar o teléfono móbil para facer digiscopping. Sorprendérame moito esa nova posibilidade que nos ofrece a tecnoloxía e quedei con ganas de provar. Esta mañá, como a cousa estaba tranquila na lagoa de Valdoviño, decidín comezar o curso práctico de "fotografía telefónica". E a verdade é que resulta máis difícil do que imaxinaba. En parte porque non teño o pulso de Fernando, e en parte tamén porque penso que a cámara do Samsung Galaxy deixa bastante que desexar (vin fotos noutros smart e i-phones, e son impresionantes.

 Platalea leucorodia

  O máis complicado para min, é centrar a pequena lente sobre o ocular do telescopio  para que se vexa a imaxe. Un pouco que se mova e xa se vé todo negro. Pero a desprazas para o outro lado un par de milímetros e se ve todo branco!. A seguinte foto é a "mellor" dunha serie que fixen a unha Garza vermella (imaxinade cómo serían as peores...)

 Ardea purpurea, intento de foto

Con obxectos a media distancia xa vai a cousa un pouco mellor. Pero falta moito para lograr unha mínima nitidez. Ter bon pulso é vital, e non é o caso precisamente.

Rolada de Anas platyrhynchos

 Calidris alpina

  O outro día, con boa luz, conseguín encuadrar moito mellor uns Mazaricos, que estaban perto da miña posición. E se nota, se nota..

Limosa lapponica

  En fin, que hai que practicar moito. Pero é unha solución que para certas cousas (rexistros de rarezas ou identificacións a moita distancia) é moi interesante.