Mergulhom real (Podiceps auritus) em Maninhos, um regalo por Reis

NOTA: Venho de retocar ligeiramente várias imagens dos auritus que nom quedáram bem devido às pressas por publicar

   Esta manhá fazia umha visita de control à ria de Ferrol. A jornada passava tranquila, afotando umha fermosa Garça branca no Seijo (já publicarei essas fotos no seu momento), até que saltóu a novidade, justo no melhor momento,  quando estamos a ponto de começar os censos de aquáticas de Janeiro-2015. Melhor regalo impossível!

Canon SX50 (focal 1200 mm)   ISO 80    F: 7,1    V: 1/500 seg 

      Dous preciossos Mergulhons reais (Podiceps auritus) nadavam perto do peirao de Maninhos (Fene), lugar habitual de invernada. Puidem tirar-lhes umhas fotos moi bonitas que agora comparto con todos e todas vós.

  Dizia-lhe ao Damiám que mesmo se puxérom a fazer "monarias" de celo diante nossa. E digo "nossa" porque justo aparesciam naquel momento por ali Pepe Vidal e Alberto Ferro, que nom sabiam nada do tema e aos que aginha informei do importante da cita.

      Diante dumha observaçom assi, nom quixem cometer os mesmos erros que o outro dia cos Gansos de cabeça negra. E umha vez vistas as imagens no computador, desta volta si quedei plenamente satisfeito do resultado.

Canon SX50 (focal equiv.1200 mm)   ISO 100  F: 6,5   V: 1/200 seg

Canon SX50 (focal equiv.1200 mm)  ISO 80   F: 8  V: 1/400 seg

     Ademáis, dous Mergulhóns de pescoço negro (Podiceps nigricollis) decidírom sumar-se à festa, para aportar maior vistosidade aínda a este post.

    Umha ocassom de ouro para podermos comparar ambas espécies. Poucas vezes teredes a oportunidade de ver umha foto como éstas em Galiza. O nigricollis (no centro da imagem seguinte) veredes que possúe um menor tamanho geral, um tom mais pardo no pescoço, umha cabeça mais avultada e menor extenssom de cor branco nas meixelas.

     A verdade é que semelhava que houvesse "bom entendemento" entre as duas especies de somorgulho.

       Isso si, as tontarias nupciais entre os dous auritus chamavam a atençom nalgum momento. É algo freqüente nas especies do xénero podiceps que invernan na ria amosar comportamentos de parada nupcial en plena invernada.

        Bem, umha jornada destas que se gardam na memória ornitológica.

Canon SX 50  (focal equiv. 1200 mm)  ISO  80   F: 7,1    V: 1/400 seg

   Começa bem 2015, abofé.