BUUUUUFFFFFFF!!!!

 Estou coas primeiras probas.... E mi madriña cómo vai isto!!!

   Qué barbaridade, qué barbaridade, qué barbaridade de máquina.

    Estou esperando a fin de semana para probala de verdade, pero xa vou sabendo cousas. Por exemplo, que a calidade en fotografía hai que pagala. Cando comprei a SX50 canseime de recomendala a todos os naturalistas que me preguntaban, pero o alto precio que tiña daquela botou para atrás a moitos posíbeis compradores, que acabaron comprando modelos que (na miña humilde opinión) estaban un escalón, ou varios, por debaixo da Canon.

    Nestes momentos sinto que os 575 euros que paguei por esta Nikon P900 van ser probablemente a mellor inversión da miña vida.
    Difícilmente se lle poden atopar eivas, máis aló da ausencia de RAW. Unha eiva ésta que queda minimizada polo descomunal zoom que posúe, que fai que non haxa que recurtar apenas as imaxes. Ademáis o moito maior tamaño da lente (67 mm!) que as outras bridge beneficia a luminosidade. E sempre me pareceu que as Nikon da serie P tiñan unha calidade moi boa en JPEG.
    Dous aspectos que supoñen un salto cualtitativo con respecto á SX50 son, por unha banda, o disparo en refacho (declaran 7 fps en máxima calidade, pero vos xuro que a min paréceme máis). Na SX50 dispoñías dun modo máis veloz (13 fps en modo "deportes"), pero era automático e sen controis manuais (en manual eran uns cutrísimos 2,2 fps). Pero estes 7 fps da Nikon podes desfrutalos en modo completamente manual, que é como disparo sempre. E son moitos disparos do noso Señor.

  Outra mellora que xa descubrín: o enfoque manual da P900. É a cuarta bridge que teño e nunca antes tivera un enfoque manual tan bon; case, case de reflex. Ademáis podes utilizar o botón lateral do obxectivo, super cómodo!

 E agora vai a clásica serie de fotos para ver o que aumenta. Preparádevos. Todas as fotos son orixinais e SEN RECURTE.

 Vista panorámica grande angular equiv. 24 mm

   Os polos de Gaivota patimarela, recén saídos a semana pasada,estaban na zona de sombra, como case sempre. Así que tiven que subir a sensibilidade a ISO 800 para meter unha velocidade algo rápida.

 Focal equiv. 300 mm

   De todas formas disparei a pulso, por non ir buscar o trípode. Lóxicamente con estas focais descomunais, e a esa distancia, isto non era o máis indicado.

Focal 2000 mm ISO 800  V: 1/640 seg  F: 6,5

 Focal 2000 mm (máximo zoom óptico)  ISO: 800  V: 1/500 seg  F: 6,5

  Logo de probar a máxima focal, probei a cousa esa do "zoom intelixente". Asegura Nikon que consiste nun procesado posterior sen empregar zoom dixital e sen pérdida de calidade. 

 Focal  4000 mm (procesado ampliado)  ISO: 800  V: 1/800 seg  F: 6,5

  Estirando a esta loucura de focal o trípode sería imprescindible. E os bichos ao meterse na zona escura do tellado pois obrigaron a permanecer en sensibilidades absolutamente inapropiadas.

Focal 8000 mm (dixital)

  ISO: 800  V:1/800 seg  F:6,5

  As fotos cómpre interpretalas na sua xusta medida e comprendendo as circunstancias. Podo dicir sen falsa modestia que son un usuario con experiencia en fotografía de bichos con cámaras bridge (que non digo que entenda de fotografía, ollo). E teño a convición de que este pepino vai arrasar en ventas nos próximos seis meses.