Seguimos a comparar Nikon P900 vs Canon SX50

 Na manhá de Domingo fazia outra nova prova de campo coa Nikon P900. Nesta ocassom mudava o local e achegava-me até a Praia dos Botes. E ali, ao tomar a foto panorámica, detectava o primeiro aspecto na que a Nikon poderia ser inferior à Canon: a qualidade do sensor (algo que já era previsto, pois o da SX50 é o melhor da categoria)

     As images tiradas coa SX50 permitiam bastante recurte, em parte graças à possibilidade de trabalhar com RAW, mas no caso da Nikon a pouco que ampliar nota-se mais o "efecto digital". Porém quiçá seja um erro meu de configuraçom.

     Se coa SX50 as capturas de objectos em movimento a curta distáncia eram difíceis, coa Nikon nem vos conto. Umha focal tam enorme coma 2000 mm está desenhada para fotografar objectos a moita distáncia e, lógicamente, enfocar e enquadrar umha pequena limícola correndo a 3 ou 4 metros do observador resulta certamente complicado.

    Figem provas com distáncias focais mais curtas e assi resultóu mais doado

Focal: 1100 mm   ISO 200   V: 1/640  F: 5,6

Focal  800 mm  ISO 200   V: 1/1600  F: 5,6

Focal 1100 mm  ISO 200   V: 1/640   F: 5,6

Focal  500 mm   ISO 200   V: 1/500  F: 5

Focal 950 mm  ISO 100  V: 1/500  F: 5,6

Escea de acçom

 Focal 2000 mm ISO 200   V: 1/500  F: 6,5

 Focal  2000 mm ISO 200  V: 1/500  F: 6,5

Imagem original sem recurte, tal como sae da cámara

Focal 950 mm  ISO: 100  V: 1/400  F: 5,6
Imagem original sem recurte

   Resumindo, pouco a pouco vou afazendo-me à P900. Aínda nom sei moi bem vários controis que podem ser importantes à hora de disparar (nom sei qué é isso do D-lightining, por certo) e falta por provar o modo macro pero já aparecem pontos a favor e em contra:

A FAVOR
- Tons e cores moi naturais
- Melhor rango dinámico, algo moi importante nas fotos de paisagems com ceus cubertos
- Disparo em refacho moi rápido
- Visor moi bom, o melhor que nunca vim em umha bridge (eu disparo maioritáriamente através do visor)
- Enfoque manual muito melhor que no resto das bridge conhecidas por mim
- Zoom extraordinário que evita a necessidade de recurte

EM CONTRA
- Sensor aparentemente inferior à Canon em quanto a qualidade e definiçom. Preocupa-me a mala definiçom na foto original da praia (na foto publicada, reducida, nom podedes apreciá-lo),  Espero que fosse um erro meu devido à falta de experiência coa máquina.
- Imagem final com possibilidades de ampliaçom bastante limitadas. Quiçá poda melhorar este aspecto em quanto aprenda bem todos os controis da Nikon
-Ausência de RAW (botarei-no de menos)