Fotos Macro da Nikon P900

    Esta fim de semana estivem a practicar fotografia macro coa Nikon P900 pola zona de Valdovinho. Desde logo nom é a sua prestaçom de mais qualidade pois daquela, e com eses brutais 2000 mm de focal que tem, já seria a quadratura do círculo. Aínda assim funciona dignamente, sempre considerando que falamos de humildes cámaras bridge.

Limoeira (Gonepteryx rhamni)

   Em umha conversa com Fram Nieto - fotógrafo profissional - aprendim a importáncia que podem ter os fondos. Como as bridge nom permitem apenas o desenfoque (nom há mais que ver a imagem anterior) pois devemos buscar alternativas para lograr umha imagem decente. Umha é buscar um elemento que se integre um pouco co bicho, casso deste fento:

    Outra é enquadrar o objecto sobre um fondo artificial. O asfalto da estrada permitíu que esta aranha tenha todo o protagonismo sobre um fondo gris.

Nikon P900 (Macro  80 mm)  ISO 200  V: 1/200   F: 3,5

   Porém, na maior parte dos cassos segue a resultar-me moi difícil que nom apareçam "elementos estranhos" no enquadre.
 Ademais o céu cuberto obrigou-me a subir a sensibilidade em algumhas tomas até valores por riba do recomendável numha compacta. Na seguinte imagem os fotógrafos apreciarám todas as limitaçons técnicas das cámaras bridge (e as minhas, por suposto).

Nikon P900 (Macro 105 mm)  ISO 800    V: 1/400   F: 4

    Polo menos esta avespa parásita é o que menos mal saíu na seguinte image, cheia de ruído e bordos falsos por todos lados.

Nikon P900  (Macro 85 mm)   ISO  800   V: 1/400  F:4

  Algumha raiola de sol ajudóu. Se vos perguntades o por qué emprego velocidades tam altas em todas as tomas é por mor do vento, que move as plantas. Em Valdovinho sempre fai vento!

Calopteryx haemorrhoidalis fémea

Nikon P900 (Macro 105 mm)  ISO 125   V: 1/400  F:4

Nikon P900 (Macro 85 mm) ISO  360   V: 1/250   F: 4

       Coma sempre, as gotinhas de auga ajudam na composiçom. Mas esse fondo de herbas difussas estropea a foto. É imposível quitar isso cumha compacta. Com estes sensores tam cativos faria falta um F:0,5

Ischnura elegans

Nikon P900  (Macro 55 mm)  ISO 140   V: 1/160   F: 3,5

  Bem, nom sejades moi crueis logo de ver as fotos. Pensade que esta cámara está desenhada obviamente para fotografar objectos a moita distáncia, que som 2000 mm! A opçom de disparar em macro é umha possibilidade a maiores, sem cambiar o objectivo e por um preço de 500 eurinhos.

Vivan as bridge!!