Ria de Ortigueira, 28-Julho-2015

 Passada já esa "catharsis" coleitiva que é o dia da Pátria, em que todos os galegos parecem sentir-se orgulhosos de pertencer a este país (todos menos eu, volo aseguro) podemos considerar que o passo migratório está a começar.

  Esta manhá o dia amencia com esta bonita luz estival na ria de Ortigueira:

 Típica manhá de Verao em "Mordor"

  Realicei um censo com maré baixa, que nom é a situaçom ideal nem muito menos, mas pode ser bastante realista para termos umha ideia do que há nestas alturas de Julho:

- 36 Gavitas (Haematopus ostralegus)
- 1 Pílhara cinzenta (Pluvalis squatarola)
- 2 Pílharas reais (Charadrius hiaticula)
- 304 Maçaricos reais (Numenius arquata)
- 165 Maçaricos chiadores (Numenius phaeopus)
- 23 Biluricos claros (Tringa nebularia)
- 1 Bilurico escuro (Tringa erythropus). A ver se os que tedes centos de guias de campo podedes confirmar-me que se trata de um adulto em muda
- 27 Biluricos comuns (Tringa totanus)
- 25 Pilros comuns (Calidris alpina)
- 12 Gaivotas de cabeça negra (Larus melanocephalus)
- 5 Gaivotóns (Larus marinus)
- + Gaivotas comuns (Larus michahellis/fuscus/ridibundus)

 Biluricos comum (Trinta totanus, esda.) e escuro (Tringa erythropus, drta.)

 Bilurico claro (Tringa nebularia, esda) e escuro (Tringa erythropus, drta)

 Bilurico escuro (Tringa erythropus)

    Na enseada de Mera fazia a melhor observaçom:

Pica-peixe (Alcedo atthis), polos voantóns

   Por segundo ano consecutivo localiçava polos voantóns de Pica-peixe (Alcedo atthis), piando de seguido mentras solicivam alimento aos seus progenitores.

 Foi umha mágoa a grande distáncia de todas as observaçons de hoje e a escasa luz que havia. Nem sequer a P900 foi quem de tirar fotos decentes Quique!