O paso está a por-se máis interesante cada semana; moito máis logo do paso dunha borrasca que trouxo o tempo tan chuvioso que tivemos toda esta semana.
Hoxe no encoro das Forcadas observaba entre outras cousas:
- 3 Cerecetas comúns (Anas crecca). Primeira chegada rexistada
- 1 Mazarico rabinegro (Limosa limosa)
- 3 Becacinas ou como se denominan tamén, máis correctamente, Narcexas (Gallinago gallinago)
- 3-4 Biluricos alinegros (Tringa ochropus)
- 1 Bilurico bastardo (Tringa glareola). Ignoro se son os mesmos de días atrás.
- 3 Biluricos das rochas (Actitis hypoleucos)
- 1 Azor (Accipiter gentilis) xuvenil de patrulla polo pantano
A observación máis interesante foi a dun grupo de 4 Gaivinas pretas (Chlidonias niger) que voaban pola zona de Loiravella-Vilaboa.
Levaba a Nikon P900, un maquinón perfecto para captar obxectos estáticos a grande distancia ou con pouca luz mais pouco axeitada para aves en voo. De feito, penso que é a bridge que pior enfoca nestas circunstancias de todas as que probei (e foron unhas cantas). Pero finalmente non quedaron mal de todo.
Cando hai un fondo sen referencias o mellor é empregar o enfoque manual. A P900 ten un cómodo botón no lateral do obxectivo que resulta moi práctico. Case todas as fotos foron tiradas así e están moi recurtadas, pois as aves estaban a 50-100 m. ou máis aínda.
Logo metéronse na cola final do pantano, onde a existencia de numerosos ramallos e restos arbóreos permitíume usar o Autofocus. O mellor nestes casos é enfocar un tronco ou unha pola cercana á ave, encuadrar ésta e disparar.
O malo foi que tiven que usar velocidades algo lentas e ISO un pouco alto, tendo en conta que había que recurtar muito.
Vai un exemplo para que vexades o recurte que tiven que facer (100 m. son moitos metros do noso señor ata para unha bridge gorda):
Nalgunha ocasión achegáronse algo e puiden baixar zoom e subir velocidade.
Durante a sesión fotográfica apareceu este Caranguexo vermello (Procambarus clarkii), moi desafiante:
Normalmente son incapaz de matar calquer animal pero neste caso fixen unha excepción, por motivos obvios. Polo menos intentei que fose rápido.
E mañá máis.
Hoxe no encoro das Forcadas observaba entre outras cousas:
- 3 Cerecetas comúns (Anas crecca). Primeira chegada rexistada
Cercetas (Anas crecca)
- 1 Mazarico rabinegro (Limosa limosa)
- 3 Becacinas ou como se denominan tamén, máis correctamente, Narcexas (Gallinago gallinago)
- 3-4 Biluricos alinegros (Tringa ochropus)
- 1 Bilurico bastardo (Tringa glareola). Ignoro se son os mesmos de días atrás.
- 3 Biluricos das rochas (Actitis hypoleucos)
Bilurico bastardo (Tringa glareola)
- 1 Azor (Accipiter gentilis) xuvenil de patrulla polo pantano
Azor (Accipiter gentilis)
A observación máis interesante foi a dun grupo de 4 Gaivinas pretas (Chlidonias niger) que voaban pola zona de Loiravella-Vilaboa.
Nikon P900 (focal 1800 mm) ISO 400 V: 1/400 F: 6,3
Levaba a Nikon P900, un maquinón perfecto para captar obxectos estáticos a grande distancia ou con pouca luz mais pouco axeitada para aves en voo. De feito, penso que é a bridge que pior enfoca nestas circunstancias de todas as que probei (e foron unhas cantas). Pero finalmente non quedaron mal de todo.
Cando hai un fondo sen referencias o mellor é empregar o enfoque manual. A P900 ten un cómodo botón no lateral do obxectivo que resulta moi práctico. Case todas as fotos foron tiradas así e están moi recurtadas, pois as aves estaban a 50-100 m. ou máis aínda.
Logo metéronse na cola final do pantano, onde a existencia de numerosos ramallos e restos arbóreos permitíume usar o Autofocus. O mellor nestes casos é enfocar un tronco ou unha pola cercana á ave, encuadrar ésta e disparar.
O malo foi que tiven que usar velocidades algo lentas e ISO un pouco alto, tendo en conta que había que recurtar muito.
Vai un exemplo para que vexades o recurte que tiven que facer (100 m. son moitos metros do noso señor ata para unha bridge gorda):
Nikon P900 (focal 1600 mm) ISO 800 V:1/1000 F:6,3
(Encima imaxe orixinal sen recurte)
Gaivina preta (Chlidonias niger), xuvenil
Nikon P900 (focal 2000 mm) ISO 400 V: 1/250 F: 6,5
Nalgunha ocasión achegáronse algo e puiden baixar zoom e subir velocidade.
Nikon P900 (Focal 1200 mm) ISO 200 V: 1/1000 F: 6,3
Durante a sesión fotográfica apareceu este Caranguexo vermello (Procambarus clarkii), moi desafiante:
Normalmente son incapaz de matar calquer animal pero neste caso fixen unha excepción, por motivos obvios. Polo menos intentei que fose rápido.
E mañá máis.
Ningún comentario:
Publicar un comentario
Para comentar es necesario identificarse con nombre y apellidos