Fran Nieto disparando coa Sony RX10 III
Estar con alguén así é garantía de aprendizaxe. Sempre volves a casa cun saco de coñecimento novo e ardes en desexos de poñelo en práctica. Aproveitou unha paisaxe co asteleiro e un ceo espectacular para ensinarme algo sobre o equilibrio nas composicións.
Asteleiro de Navantia-Ferrol (antiga Bazán)
Foto: Fran Nieto, coa miña cámara
Simplemente probando o enfoque Fran afotou sen querer un parrulo mergullador, especie non moi habitual na ría. Haberá que volver para identificalo mellor.
Pato sp (Aythya sp), á dereita da imaxe
Tampouco faltou a Garza branca do Seixo.
Garza branca (Egretta alba)
Despois viñeron á miña casa, onde tiven ocasión de continuar aprendendo un montón de cousas sobre brillos, niveis, contrastes, texturas e mil cousas máis.
.
Foto: Fran Nieto, con iphone
Foto: Fran Nieto, con iphone
E logo de escoitar as súas palabras estou aínda máis convencido do extrordinario desta nova cámara que acabo de adquirir.
Mi madriña. Nada coma saber facer fotos. Ata as que están feitas co iphone son magníficas. A cámara será estupenda, pero no fondo o mérito é do que afota, que sabe sacar partido a semellante "becho". Nas miñas mans esas cámaras é coma tirar os cartos (non teño paciencia para a fotografía).
ResponderEliminarEspero que andes mellor do ombreiro.
Bicos e apertas,
Inés
Bueno, acabas de dicir unha gran verdade: para facer boas fotos ("boas" para nós, enténdase) hai que ter paciencia. E practicar. Paréceme incríbel que haxa tantos usuarios que botan anos disparando en automático.
EliminarO ombro vai mellor. O que non mellora é o cóbado. Son un vello!!