ÚLTIMA HORA: ABERTA A LAGOA DE VALDOVIÑO

 Pola mañá recebía de Xan Rodríguez Silvar estas fotos tomadas na lagoa da Frouxeira. Polo visto a Xunta decidíu abrir a canle polo trazado máis occidental para que baleire dunha vez, diante das presións de veciños e alcaldía.

   Obviamente é unha nova estupenda, que repercutirá nunha mellora instantánea na capacidade do humidal para acoller aves acuáticas. Se abriron por onde penso o nivel baixará nun día ou dous ata mostrar intermareais durante os períodos de baixamar, recuperando a condición estuarina que amosa a lagoa a metade do ano.