Merlo rieiro (Cinclus cinclus), ben fotografado, por fin

 Na primavera de 2020 tiña pensado facer un seguemento ao merlo rieiro (Cinclus cinclus) nun tramo do río Xuvia que visito con frecuencia. Pasou o que pasou e non puido ser mas agardo poder facelo este ano 2022. Así pois nesta fin de semana realizaba a primeira mostraxe específica no tramo do río ao seu paso por Narón, na fronteira con Neda.

Val do Xuvia no seu tramo final

Río Xuvia nunha zona remansada

  Na chuviosa xornada do sábado só detectei un exemplar de merlo rieiro, o cual xeroume certa inquedanza. Porén, a mañá de hoxe foi moito máis produtiva ao localizar as dúas parellas que teño contraladas nun sector de 2 Km de río. Houbo un terceiro territorio no medio do tramo (Eloi Saavedra, comunicación persoal) mas debeu deixar de anidar alí.

Merlo rieiro (Cinclus cinclus)

Panasonic G7 + 100-300 mm   ISO:1000   V:1/125   F:5,6

   Fotografar esta especie non é doado. Por riba da sua timidez, habita lugares especialmente sombrizos cunhas condicións de luz pouco aptas para un sensor bridge. Ademáis non podemos usar velocidades de obturación altos ou directamente se nos vai de rango. Por motivos coma éste decidín mercar a Panasonic micro 4/3" o ano pasado. Lóxicamente vai moito mellor con ISO´s tan altos.

Pansonic G7 + 100-300 mm   ISO:800   V:1/125   F:5,6

   Ademáis comprobei que as prendas de camuflaxe que comprei resultan sumamente efectivas con esta especie (con outras non tanto). 

Merlo rieiro (Cinclus cinclus)

Merlo rieiro en hábitat típico

  Tiven tempo a probar o zoom dixital 2X da Pana G7, que multiplica a focal de 600 mm até uns 1200 mm equivalentes. En calquer caso é mellor sempre disparar con zoom óptico e retocar depois na casa. Lembrade que o zoom dixital impede o uso do formato RAW.

Merlo rieiro (Cinclus cinclus)

Panasonic G7 + 100-300 (200-600 mm) e 2X  ISO:1600   V:1/250   F:5,6

 O merlo rieiro nada e mergulla coma unha auténtica ave acuática, aínda que forme parte da orde dos paseriformes, ou "paxaros" propiamente ditos. 

Merlo rieiro, disparo con zoom dixital 2X

   Nestes momentos deben estar a comezar a postura dos ovos ou xa chocando. En febreiro ou primeiros de marzo pode verse carrexando musgo para o niño, en abril é doado velos portando bicada para os polos e por maio teño visto xa voantóns.

  Un exemplar estiraba as patas e as ás, anuncio do seu inminente despegue.

Preparando o tren de aterraxe

Comprobando motores

A despegar

  Como dixen, disparar nestas condicións de luz implican subir o ISO até níveis esaxerados, sobretodo se empregas velocidades altas. Grazas ao sensor 4/3" da mirrorless o resultado é moi correcto.

Merlo rieiro (Cinclus cinclus) en vóo

Panasonic G7 + 100-300 mm   ISO: 3200  V:1/640   F:5,6

 Houbo un momento en que se xuntaron os dous membros da parella Nº1. Deume tempo a fotografalos xuntos.

Parella Nº1

   A parella Nº3 estaba máis lonxe mas puiden pillala tamén.

Parella Nº3

Panasonic G7 + 100-300 mm  ISO:640  V:1/125   F:5,6

Merlo rieiro no seu hábitat

Termino a serie cun disparo feito a menos de 5 m do merlo. É unha magoa non dispoñer de luz para tirar cun ISO máis axeitado (a G7 vai ben pero non é precisamente unha full frame). Aínda así o resultado penso que está moi ben dadas as circunstancias.

Merlo rieiro (Cinclus cinclus)

Panasonic G7 + 100-300 mm   ISO:1600   V:1/200   F:5.6

   O merlo rieiro comparte hábitat coa lavandeira real. No mesmo tramo das mostraxes hai tamén varias parellas de lavandeiras.

Lavandeira real (Motacilla cinerea)

  A real é a única lavandeira que adoita pousarse en árbores, mesmo en zonas de bosque denso (a marela pode facelo tamén, pero sempre en árbores cativas illadas ou mato arbustivo).

Lavadeira real (Motacilla cinerea)

Pana G7  ISO:800   V:1/320   F:5,6

   Termino con varias flores típicas desta época.

Cáncaro (Primula acaulis)

Agrón de prado (Cardamine pratensis)

Zona das observacións

 Vémonos na próxima entrada!