Observaçons na ria de Ferrol

  As anómalas circunstáncias meteorológicas que está a padecer Europa Central ham-se notar na chegada das diferentes espécies invernantes aos nossos humidais. Um caso que estou a comprovar já é o do mergulhom de pescoço preto (Podiceps nigricollis), do qual deveríamos ter nestas alturas arredor de 20-30 ex. na ria de Ferrol. Porém, só chegárom 4 indivíduos (observados antonte por José Ramón Castro).

Mergulhons de pescoço preto (Podiceps nigricollis)

      A nova equipa fotográfica vai bem, mas quando necessitas afotar bichos desde moi longe nom há nada coma umha boa cámara bridge. Coa G7 e mais o Zuiko 100-400 disponho de mais qualidade pura mas a diferência de focal é tam grande respeito às compactas que nom consegues melhorar o resultado que terias com umha Canon SX ou umha Nikon série P.

Mergulhom de pescoço preto (Podiceps nigricollis)

Panasonic G7 + Zuiko 100-400    ISO:800   V:1/400   F:6,3

   Na defesa do Zuiko cumpre lembrar que o corpo empregado (Panasonic G7) nom é precisamente o melhor possível. A maiores, a luz na sessom de hoje era moi má, como adoita nessas horas.

Mergulhom de pescoço preto (Podiceps nigricollis)

Panasonic G7 + Zuiko 100-400   ISO:500   V:1/400   F:6,3

Mergulhom de pescoço preto (Podiceps nigricollis)

Panasonic G7 + Zuiko 100-400  ISO:500   V:1/250   F:6,3

  Ademais dos mergulhons, na ria de Ferrol temos nestes momentos algumhas cousas interessantes que cito de seguido:

• 1 Pato frisado (Mareca strepera)
• Arredor de 450-500 lavancos reais (Anas platyrhynchos). Hoje contava 102 ex desde O Seixo. Em Neda/Couto hai outros 250 e logo haverá grupos menores na Malata (Ferrol) e no Banho (Mugardos)
• 5 Patos alvelos (Anas acuta)
• 36 Garças boieiras (Bubulcus ibis)

  Gostaria de achegar-me polo passeio peonil de Neda para investigar o esteiro do Belelhe, mas deixei de ir por ali desde que se converteu num passeio canino (e ciclista).

Patos alvelos (Anas acuta)

   Nom tem especial interesse por serem espécie introduzida mas um ganso de Egipto permitiu que provasse disparo com alta velocidade.

Ganso de Egipto (Alopochen aegyptiaca)

Panasonic G7 + Zuiko 100-400    ISO:640   V:1/1250   F:6,3

   Remato com umha série de images tiradas dias atrás.

Garças boieiras (Bubulcus ibis)

Garçotas na praia de Maninhos (Fene), com o estaleiro de Navantia-Ferrol ao fundo

Garçota comun (Egretta garzetta) en vóo

Carráns cristados (Thalasseus sandvicensis)

Panasonic G7 + Zuiko 100-400   ISO:2000   V:1/1250   F:6,3

Anjo da nabeira (Pieris rapae)

Panasonic G7 + Zuiko 100-400   ISO:640   V:1/250   F:8

Espero-vos na próxima entrada.