Ría de Ortigueira, 20-Nov-2022

 A invernada vai avanzando e nótase, como puiden comprobar esta mañá na ría de Ortigueira (A Coruña). Foi unha visita máis ben breve, e só contei desde o peirao de Ortigueira con marea a subir. Sen máis literatura imos directamente coas matemáticas:

• 2 Gansos de bico curto (Anser brachyrhynchus), observados o día anterior
• 25 Patos cullereiros (Spatula clypeata)
• ++ Patos asubiadores comúns (Mareca penelope)
• 211 Patos albelos (Anas acuta). Boa cifra (o récord está en 250 ex)
• + Lavancos reais (Anas platyrhynchos)
• 18 Mourelos comúns (Melanitta nigra)

Gansos de bico curto (Anser brachyrhynchus)

Mourelo común (Melanitta nigra)

• 2-3 Mergullóns de pescozo negro (Podiceps nigricollis)
• 174+ Gabitas comúns (Haematopus ostralegus)
• 19 Píllaras cincentas (Pluvialis squatarola)
• ++ Mazaricos reais (Numenius arquata) e chiadores (Numenius phaeopus)
• + Fuselos de rabo pinto (Limosa lapponica)
• 57 Fuselos de rabo negro (Limosa limosa)
• 130 Pilros grosos (Calidris canutus). Unha moi boa cifra para este últimos anos. Pensade que falamos de ex invernantes
• 10 Pilros tridáctilos (Calidris alba)
• 439 Pilros comúns (Calidris alpina). Conteo exacto (non adoita con esta especie).
• + Biluricos de patas verdes (Tringa nebularia) e comúns (Tringa totanus)

Gabita común (Haematopus ostralegus)

Limicolada no intermareal central

• + Gaivotas típicas 
• 160 Corvos mariños reais (Phalacrocorax carbo)
• 4 Corvos mariños cristados (Gulosus aristotelis)
• 19 Garzas reais (Ardea cinerea)
• 11 Garzas brancas (Ardea alba)
• 37 Garzotas comúns (Egretta garzetta)
• 67 Garzas boieiras (Bubulcus ibis). Novo récord da especie, que segue en crescimento imparábel nestes últimos tempos
• 44 Cullereiros comúns (Platalea leucorodia)
• 2 Águias pescadoras (Pandion haliaetus)
• 1 Tartaraña das xunqueiras (Circus aeruginosus)
• 1 Picapeixe (Alcedo atthis)

Bicharía variada (Garzas brancas á esquerda)

Balsa de corvos mariños (Phalacrocorax carbo)

  O incremento constante no número de garzas boieiras é algo que me ten "ojiplático". De ser unha garza con presenza excepcional pasou a ser o ardeido máis abondoso da ría en menos de dez anos.

Garzas boieiras (Bubulcus ibis)

Garzas boieiras (Bubulus ibis) capturando lumbrigas

Garzas boieiras

      Remato. Ortigueira comeza estar "potente" e nos próximos días chegarán o resto das invernantes habituais. Desde logo este ano pinta moi ben para limícolas.

J.R fotografando un mourelo