Unhas viciñas moi curiosas

 As Gaivotas patimarelas (Larus michahellis) están a piques de poñer os ovos. Cómpre, pois, ultimar o acabado do niño, especialmente o forro interior. E para tal fin as gaivotas andan estes días á procura de calquera cousa que lles valla.

    Sobre os tellados e nos patios sempre hai ocasión de atopar algo.

 Gaivotas explorando o patio

  As patimarelas son tremendamente curiosas e agora que perderon o medo ao ser humán achéganse ata case entrar nas vivendas.

  Unha delas achou un pau que non semellaba ter moita utilidade.

 "- Pero Manolo, deixa iso, que non vale pra nada

- Cala muller, isto queda quenindiola!"

 A él non lle gostou moito que os fotografase e chamoume a atención.

     Estas humildes gaivotas supoñen ún dos escasos pasatempos ornitolóxicos que teño no patio que conforma a horrorosa vista desde as habitacións do Leste.

Vista completa do patio

   Un cristal que facía espello deu un susto importante a unha das gaivotas, que botou un pedazo moi inqueda e confusa diante daquela outra patimarela descoñecida.

 Gaivota patimarela frente a reflexo nun cristal

    Rematada a "investigación" ambos membros da parella volveron até a sua atalaia, a carón do  niño. A luz suave do momento animoume a tirarlles outra foto.

 Parella de patimarelas (Larus michahellis) Distancia: 40 m

Nikon P1000 focal 360 (2000 mm)   ISO:560   V:1/250   F:6,3

    Xogando co Lightroom saíume esta imaxe ben curiosa. Non quedaría mal impresa nunha camisola para o día das aves (se alguén está interesado cédolle o orixinal de balde).

    E coa femia de gaivota boquexando rematamos por hoxe. Xa falta menos.