Seguidores e seguidoras

sábado, 3 de septiembre de 2016

Encoro das Forcadas, 3 - Setembro

   Esta manhá fixem outra visita ao encoro das Forcadas (Valdovinho), nom sem pasar antes brevemente polo lago para controlar a situaçom hidrológica. Afortunadamente a canle de desaugue ao mar mantem-se aberta logo das "marés vivas".

Lagoa de Valdovinho. Canle de desembocadura às 8,00 h do sábado

  Já no encoro, o mais salientável foi a observaçom de:
- 16 Mergulhons cristados (Podiceps cristatus)
- 1 Parrulo chupom (Aythya ferina) macho
- Rascons (Rallus aquaticus) detectados en tres lugares diferentes.
- 4 Narcejas (Gallinago gallinago)
- 2 Biluricos alinegros (Tringa ochropus)
- 3 Pica-peixes (Alcedo atthis)
- 1 Papamoscas cinzento (Muscicapa striata) na enseada das Cortinhas
- 1 Papamoscas negro (Ficedula hypoleuca) escoitado
- Bastantes Picafolhas cantores (Phylloscopus trochilus)

Agrupamento de Mergulhons cristados (Podiceps cristatus)

Papamoscas cinzento (Muscicapa striata)

 Un Rascom permitiu-me tirar umha série de fotografias bastante "decentes", aínda que por mor da escasa luz do momento tivem que subir a ISO 640-800 e limitar muito a velocidade. Nestas condiçons as bridge perdem muito detalhe e cómpre sermos coidadosos ao editar co software.




 Rascom (Rallus aquaticus)
Canon SX60 (focal 247 mm)  ISO 800   V:1/320  F: 6,5

  Hoje a Libelinha de Outono (Aeshna mixta) estava omnipresente por toda a ribeira, sendo ademais os primeiros exemplares avistados este ano por mim. Tamém aparecérom Gaiteiros florestais (Lestes viridis), Doncelinhas litorais (Ischnura elegans) e Lavacus sanguinhos (Sympetrum sanguineum).



Libelinhas de Outono (Aeshna mixta)

 E manhá haverá que dar-se umha volta pola Frouxeira.

No hay comentarios:

Publicar un comentario