Seguidores e seguidoras

domingo, 25 de septiembre de 2016

Notas breves da fim de semana

  Esta fim de semana estivem "a méio gas", por mor dumha lessom muscular que está a dar-me a lata mais do esperado. Assi que a penas puidem dar breves passeios sem máis óptica que a cámara ou, como moito, os binóculos, para nom forçar o ombro esquerdo.

  Ontes na costa de Meirás figem um percorrido na contorna do faro, onde havia já moitos Pedreiros cinzentos (Oenanthe oenanthe) e as primeiras Picas dos prados (Anthus pratensis).


 Pedreiro cinzento (Oenanthe oenanthe)

 Pica dos prados (Anthus pratensis)

  Vai umha foto do entorno tam peculiar do lugar (rocha basáltica? corrigam os expertos)

Costa rochosa de Meirás (Valdovinho)

    Esta manhá passei pola ría de Ferrol para ver que novidades tinha trazido o frente chuvoso de onte. E achei, longe, os tres primeiros Mergulhons de pescoço negro (Podiceps nigricollis) da tempada.

 Mergulhons de pescoço negro (Podiceps nigricollis)

  As gaivotas monstram agora a sua plumage nova, logo da segunda muda anual. Aínda assi sigo tendo problemas para distinguir as Larus do grupo michahellis. Ésta da foto semelhava um pouco diferente das michahellis que nidificam frente a minha casa. Espero o veredito dos expertos.

 Gaivota do grupo michahellis/cachinnans/argentatus

  De interesse para os colegas censadores do G.N. Hábitat que cobrem a nossa ria, comentar que se na praia de Sam Valentim (Fene) há molestias humanas/caninas, os telhados de ASTANO convertem-se num ponto de censo obrigado.

 Agrupamento de gaivotas nos telhados da factoria de Navantia-Fene

   E já temos connosco às fermosíssimas Gaivotas de cabeça negra (Larus melanocephalus). Para mim, umha das espécies mais bonitas das que se podem ver no país.



 Gaivotas de cabeça negra (Larus melanocephalus)

  No Seijo (Mugardos) atopei a Pedro Cruzado, com quem botei umhas parrafadas (que bom tío é o Pedro, de verdade volo digo). Deu tempo a afotar este Bilurico entre parrafada e parrafada:

Bilurico das rochas (Actitis hypoleucos)

 E isto é todo por hoje. Vou mirar os inquéritos a pé de urna a ver se contam algo que nom saiba.

2 comentarios: