Seguidores e seguidoras

sábado, 28 de febrero de 2015

Ría de Ferrol, visita de control

    Está a comezar o movimento migratorio das nosas acuáticas e algunhas anátidas e gaivotas xa están marchando. Desde logo notei un descenso no número de C. ridibundus da praia de San Valentín. O que non puiden observar onte foi ningunha Mobella (Gavia spp), aínda que con certeza han estar pola ría nestas alturas (o ano pasado aparecía unha ártica precisamente por Marzo).    A que permanece nos sus lugares de alimentación habituais é a femia de Mergo cristado, que leva con nós desde Novembro:

 Mergo cristado (Mergus serrator), femia

    O outro día parecérame ver dous Mergos, pero foi un erro. Debín confundirme cos Mergullóns cristados (Podiceps cristatus) que están pola mesma zona. Onte formaban todos xuntos unha pequena balsa á que se sumou un Mergullón de pescozo negro.

 Podiceps cristatus, Podiceps nigricollis (2º pola esda) e Mergus serrator (6º)


      As fotos non son boas, pero mirade en qué condicións de contraluz e distancia disparaba:


       Quitamos zoom de todo, na seguinte imaxe, e vemos a distancia real á que estaban (logo clarexou un pouco o día).

Enseada de Maniños (Fene)

    Non achei tampouco ningún dos Mergullóns reais (Podiceps auritus) que xa o ano pasado marcharan cedo. Porén, semella que están aínda todos os de pescozo negro que había en Xaneiro.


     Nestes momentos, mestúranse diferentes plumaxes intermedias entre a librea de inverno e a nupcial. Moitos individuos amosan ésta última case completa agás a parte ventral, que aínda conserva o branco do inverno.



      Os nosos podicípedos inician os comportamentos nupciais nos cuarteis de invernada. E non é raro ver aos de pescozo negro facéndose "monarías" se temos un pouco de paciencia.


 Mergullóns en cerimonia de cortexo

     E reclaman con máis frecuencia que antes, resoando as súas agudas voces por toda a ribeira do Seixo e Maniños


    Son aves realmente bonitas vistas de perto, aínda que hoxe estaban a 40-50 m. (parece que non grazas ao zoom brutal da SX50)



 Mergullóns de pescozo negro (Podicpes nigricollis)

       En Marzo haberá que visitar os intermareais de Neda a ver qué sorpresas temos. É tempo de cambios. Depois comezarei as prospeccións para o Atlas de Aves Nidificantes, do que espero poder cubrir cinco cuadrículas (a ver se non se me fai moito...). E, se hai tempo, buscar algún dato para os de Hérpetos e de Mamíferos. Tamén quería seguir aprendendo algo de entomoloxía e iniciarme un pouco na botánica dos espazos protexidos ferroláns.
     A Primavera non há ser aburrida desde logo.

 Corvo mariño real (Phalacrocorax carbo), plumaxe nupcial

 O Seixo (Mugardos) coa cidade de Ferrol na esquerda da foto


     Bos días!

2 comentarios:

  1. Xabier, me ha encantado este reportaje gráfico sobre las aves que plácidamente nadan en las tranquilas aguas de tu tierra.
    Gracias por regalar belleza y conocimientos.
    Un abrazo.

    ResponderEliminar
    Respuestas
    1. Muchas gracias. Eso se intenta (a base de gastar el sensor con cientos de fotos horribles a veces sale alguna bonita). Desgraciadamente las aves en esta tierra huyen muy rápido del observador si éste se aproxima, por lo que la fotografía de aves es complicada si no se trabaja desde un hide o con reclamos (algo que yo nunca hago)
      Otro.

      Eliminar