Mais imagens da ria e ÁGUIA PESCADORA!!

   Logo de disparar coa Fuji o domingo colhim a Nikon e voltei polos mesmos lugares do sábado, a ribeira Sul da ria de Ferrol vaia. Ali atopei esta Garçota, que amossava umha conduta pouco habitual. Abrindo e fechando o bico semelhava estar a procurar alevins de peixe ou algo assi.

   Ademais puidem achegar-me e tirar umha boa série de fotos.  O sol do momento gerava un forte contraste de altas luzes que tentei solucionar como puidem...

 Garçota comum (Egretta garzetta)

Nikon P900 (focal 2000 mm)  ISO 100   V: 1/640   F: 7,1

  En Neda, aparecia o primeiro "pato de tundra". Num momento inicial identifiquei-no como Anas penelope mas, olhando a foto no computador, parece um Anas acuta em eclipse. Nom sei qué vos parece aos expertos (as proporçoes de bico-cabeça semelham de acuta, penso)

 Pato rabilongo (Anas acuta)

  As pequenas embarcaçons que ateigam os peiraos ribeiráns oferecem por vezes fondos moi coloridos... aínda que bastante artificiais, sei-no...

 Bilurico das rochas (Actitis hypoleucos)

  Muito mais desconfiadas que as Lavandeiras brancas, as reais som sumamente difíceis de fotografar. Adoitam chegar por Outuvro e marcham em Fevreiro-Março cara os seus lugares de reproduçom nos rios de interior ou cara latitudes máis nortenhas (aínda que algumhas parelhas ficam a criar em moinhos e regatos moi próximos à própia ria).

Lavandeira real (Motacilla cinerea)

 O melhor foi o avistamento dumha Águia pescadora que, logo de capturar um peixe (muge, provávelmente), foi com el cara o tendido eléctrico da subestaçom do Couto, na ribeira naronessa.

  A distáncia era brutal (uns 900 m por SigPac) pero graças à boa luz que havia nesse momento puiden disparar A PULSO, a pesar desse quilómetro que nos separava. Com umha bridge gorda podemos fazer estas loucuras.

 Águia pescadora (Pandion haliaetus) na ria de Ferrol

Nikon P900    ISO:100    V: 1/800    F: 6,3

     A que nom há tantos anos era umha rapaz certamente rara por aqui converteu-se, definitivamente, numha ave familiar e habitual. Pessoalmente considero-a já coma invernante ou migrante regular na maioria dos humidais do Norte galego (rias de Cedeira, Ortigueira, Foz e Ribadeo, encoro das Forcadas e lagoa de Valdovinho). O ano passado já invernóu na nossa ria e esta nova cita parece indicar que mais um ano volverá-o fazer.

Aspecto da Ria de Ferrol (ribeira Norte)