Primeiro mergulhom de pescoço negro (Podiceps nigricollis)

 Começou decembro cumha baixada importante das temperaturas (e nevaradas nas montanhas mais altas do país). Hoje dei umha volta de control pola ria de Ferrol a ver se havia novidades e atopava a primeira delas, que chegava com certo retrasso:

Mergulhom de pescoço negro (Podiceps nigricollis)

   Quasse um mes mais tarde do normal chegóu o primeiro nigricollis, espécie mergulhadora que tem na nossa ria umha das localidades de invernada mais importantes do país. Ou tinha, porque nos últimos anos amosa umha tendência preocupante (desde 2020 só dei censado máximos de 30-50 ex quando antes eran habituais cifras de 70-120).

 No peirao de Maninhos havia "reuniom de vizinhos" com gaivotons, corvos marinhos cristados, reais e garçotas comuns. Já vos contei que o gaivotom é reprodutor no estaleiro de Navantia-Ferrol (antiga Bazan). Nom descarto que o faga tamém no estaleiro de Navantia-Fene (antiga ASTANO). Certas observaçons que venho registando en pontos próximos a dita factoria som moi suspeitosas...

Corvos marinhos cristados (Gulosus aristotelis) e gaivotôes (Larus marinus)

OM-1 + Zuiko 100-400 mm  ISO:640   V:1/320   F:7,1

Corvo marinho real (Phalacrocorax carbo)

OM-1 + Zuiko 100-400 mm  ISO:1000   V:1/500   F:7,1

 Un açor juvenil chegóu de súpeto para atacar quanto bicho havia na enseada de Baralhobre, incluído un picapeixe (Alcedo atthis) que librou por bem pouco. Pousóu na arboreda e puidem fotografá-lo desde longe.

Açor juvenil (Accipiter gentilis)

 E isto foi todo por hoje. A ver se a cousa invernante se vai animando um pouco por aqui.