Seguidores e seguidoras

viernes, 5 de diciembre de 2014

Picafolhas bilistado (Phylloscopus inornatus)

Umha autêntica surpresa levava eu este meio-dia mentras fazia um censo de aquáticas na ria de Ferrol. Começava pola riveira de Neda e tinha pensado contabilizar alguns grupos de aves, coma Garças ou Anátidas, mas umha apariçom inesperada alterou o plano previsto:


   Graças à estupenda descriçom que fazia do seu reclamo Cosme Damiám no foro de Galizaves há umhas semanas, pudem dar-me conta aginha que se tratava desta espécie de sílvido tam rara de ver. Um chamativo e atractivo "si-ou-si" soava num salgueiro (Salix atrocinerea) justo quando ía começar a contar as Garçotas do Ponto. Acheguei-me ali e dei com el. Penso que havia dous exemplares diferentes, pero nom puidem confirmá-lo.


   Tivem sorte de vê-lo, mas moi mala sorte para o fotografar. En quanto o tinha perto começava chover com força. Ao parar de chover havia que relocalizá-lo de novo e, umha vez que já o tinha cerca para o afotar bem, volvia chover. Em um momento de sol pudem tirar várias fotos malísimas que, polo menos, servem de testemunho. Ademáis estava em linha directa permanente com Damiám, escrevendo-nos por whatassp.


   Entre umhas cousas e outras o tempo botou-se-me encima e afinal nom dei feito censo nenhum.

 Picafolhas bilistado (Phylloscopus inornatus) de costas

    Esta fim de semana (mais longa) hei voltar pola ria e já falaremos entom das aquáticas. Ponho umha imagem do lugar exacto da observaçom, para os rarólogos aos que lhes interesse o tema. Comentava-me Pablo Gutiérrez há um rato que o bicho segue por aló. Imagino a romaria de afeiçoados que haverá amanhá. Espero que tenham mais sorte ca mim coas fotos!

 Peirao no Pontal de Abaixo (Neda)

   Despido-me com um personage que si permitíu que o fotografase:

Estrelinha riscada (Regulus ignicapillus) (Foto: Canon SX50)

   Por qué nom se deixaria o Picafolhas afotar assim, verdade?

4 comentarios:

  1. O mundo das paseriformes éche incrible. A verdade é que teño moito que aprender, e no teu blog, sempre aprendo algo novo.
    Bicos,
    Inés

    ResponderEliminar
    Respuestas
    1. É, Ines, é.
      Desde logo que se hai tantos afeizoados e afeizoadas á ornitoloxía debe ser por algo.

      Eliminar
  2. Pois tampouco estivo mal o troco censo x bilistado, non? Xa terás tempo de censar, e ese bicho non se ve tódolos días. E o das fotos tampouco é morte de home. A da estreliña riscada do final da entrada compensa a falla das demais ; )
    Unha aperta Xabi.

    ResponderEliminar
    Respuestas
    1. Non stivo, non. Á Estreliña tíñalle ganas desde hai tempo, pero funa pillar un día no que necesitaba outra foto, ja, ja..
      Unha aperta Quique.

      Eliminar