Nestas alturas o encoro das Forcadas adoita ser un bon lugar para a observación ornitolóxica. Este ano está cun nível hídrico mínimo (53%, penso que lin na prensa). Algunhas das enseadas están case completamente secas, como o Pereiro. Noutras hai moita superfice de terra, pedras ou lama. Por exemplo na cola de Vilaboa, que amosaba este aspecto hoxe pola mañá:
Encoro das Forcadas. Cola de Vilaboa
Encoro das Forcadas. Cola de Vilaboa
Fixen paradas en Vilaboa, As Cortiñas e O Latoal, dos poucos sitios que aínda teñen un acceso cómodo e non necesitas unha fouciña. Isto foi o que observei:
- 14 Lavancos reais (Anas platyrhynchos)
- 6 Cercetas eurasiáticas (Anas crecca)
- 2 Pílaras reais (Charadrius hiaticula)
- 16 Biluricos das rochas (Actitis hypoleucos)
- 3 Biluricos de ás negras (Tringa ochropus)
- 3 Biluricos comúns (Tringa totanus) xuvenís
- 7 Combatentes (Calidris pugnax)
- 10 Mergulletes comúns (Tachybaptus ruficollis)
- 22 Corvos mariños reais (Phalacrocorax carbo)
- 1 Ibis mouro (Plegadis falcinellus)
- 8 Garzas reais (Ardea cinerea)
- 3 Cucos cincentos (Cuculus canorus), ún en cada parada. Non me afago a ver a especie coma presente únicamente nas pasaxes migratorias (hai moitos anos que non cría aquí)
- 4 Lavandeiras amarelas británicas (Motacilla flava flavissima). Un bicho que mola moito e que xa vin noutra ocasións no encoro (en 2017 e 2025)
O grupo de combatentes ao completo (Calidris pugnax). Toma moi recurtada
As fotos das aves son bastante malas pois a luz e a distancia eran horribles. Igual volto mañá a ver se collo algo máis perto.
Ibis mouro (Plegadis falcinellus)
Corvos mariños reais (Phalacrocorax carbo)
Encoro das Forcadas. O Latoal
Ningún comentario:
Publicar un comentario
Para comentar es necesario identificarse con nombre y apellidos