O grupo de mergullóns de pescozo negro, mergo cristado e pato rabeiro segue aquerenciado na enseada de Maniños (Fene), onde esta mañá tentaba fotografalos mellor.
Grupo delicatessen
Non é doado, por moita P1000 que se teña. Hai unha norma absoluta en fotografía de bichos: canto máis perto mellor. Tratándose de fotos na auga o factor distancia engade un problema a maiores como é a reverberación producida polos raios de sol en días anticiclónicos. Unha focal de 2000 ou 3000 mm permite disparos a moita distancia, pero toda esa "distancia" inclúe o aire, o vapor e a reverberación presente entre a cámara e o obxecto. Por ese motivo resulta máis difícil aínda tirar umha imaxe limpa e nítida.
Pato rabeiro (Clangula hyemalis) integrado en grupo de mergullóns
Mergo cristado (Mergus serrator), pato rabeiro (Clangula hyemalis) e mergullóns
Peirao de Maniños, miradoiro ornitolóxico principal da ría de Ferrol
Despídome coa única foto decente que puiden sacar hoxe, que tampouco é para botar foguetes.
Mergullóns de pescozo preto (Podiceps nigricollis)
Nikon P1000 focal 2400 mm ISO:125 V:1/400 F:7,1
Ola, Xabier.
ResponderEliminarFai un par meses comprei unha P1000 para fotografar as aves. En dous meses tiven 4 avistamentos de picapeixe mais non consigo facerlle boas fotos, non sei cal pode ser o problema. Na cámara utilizo a opción paxaros, o último fin de semana puiden velo no río Miñor e facerlle fotos mais o resultado foi decepcionante. Algún consello? Cheguei o teu blog buscando cruzando os datos de picapeixe e p1000. Que sexas feliz, que esteas ben. Moitas grazas
manuvelasco@gmail.com
Olá, Manuel. Antes de nada, dis que empregas o modo automático "paxaros", así pois deduzo que o teu coñecimento en fotografía é mínimo ou nulo. E iso para fotografía de aves é un problema, sobretodo se tratas cun monstro como a P1000 (é coma montar nun Ferrari de 700 cv sen carné de conducir). Desde logo ese modo automático vale para según qué cousas e quizá poda servir nunha equipa reflex, pero nunha cámara bridge é un suicidio, na miña opinión. O cal non quita que de cando en vez che poda quedar algunha foto moi ben.
EliminarPero se eu publico as fotos que vedes, de calidade aceptábel ou boa, é porque practiquei moito antes e tentei estudar os conceitos básicos sobre fotografía: sensibilidade, exposición, velocidade de obturación e profundidade de campo. Para tirar unha foto de recordo na praia co teléfono non fai falta. Daslle ao botón e xa che queda unha imaxe digna. Pero para afotar un picapeixe a 20 ou 30 m de distancia (con sorte) non chega con premer o botón. Ten a sua ciencia e hai que practicar bastante se queres que a imaxe se vexa decentemente na pantalla dun PC. Recoméndoche que compres algún libro sobre fotografía básica ou busques información na rede, que hoxe é moi doado. Non che estou diciendo que te poñas a facer un curso dun ano senón que te familiarices cos conceitos principais ou acabarás decepcionado e vendendo a cámara. En canto coñezas esas catro cousas básicas eu podería orientarte un pouco en base á miña experiencia como usuario deste tipo de cámaras. Pero se che falo de exposición, velocidade ou ruido no ISO e non sabes de que falo difícilmente poderei axudarte.
Se a pesar do meu consello non dispós de tempo ou non te apetece poñerte a ler podes seguir probando co modo "paxaros". Habendo boa luz e con bichos grandes pode funcionar.
Grazas por comentar.