Seguidores e seguidoras

domingo, 15 de marzo de 2015

Bichos de Março

    Esta fim de semana a lagoa de Valdovinho mantinha-se vazia e esperava ver novidades. A entrada dumha vaga de frio com ventos moderados de NE quiçá nom ajudóu muito e apenas havia cousas que salientar.

  Na manhá do sábado, por certo, juntavamo-nos aló umha tropa de caralho: dous fotógrafos: Alejandro Martínez e Juan sp, tres naturalistas do grupo Hábitat: Daniel Monteagudo, Carla Seage e Javier Fernández Lodeiro e mais o veterano fotógrafo e agora documentalista de Natureza  José Roberto Fernández  (recomendo-vos que visitedes a sua galeria em Vimeo).

  
     O mais destacado em quanto a aves:

- Mergulhons pequenos (Tachybaptus ruficollis): várias dúcias
- 5 Colhereiros (Platalea leucorodia)
-8 Garçotas (Egretta garzetta)
- 84 Cercetas comuns (Anas crecca)
- 5 Patos colher (Anas clypeata)
- 1 Pato cristado (Aythya fuligula)
- 3 Patos cristados americáns (Aythya collaris)
- 5 Galinholas negras (Fulica atra)
- 1 Combatente (Philomachus pugnax)
- 3 Biluricos das rochas (Actitis hypoleucos)
- 1 Gaivota de cabeça negra (Larus melanocephalus)
- 1 Pica-peixe (Alcedo atthis)
- 2 Picas alpinas (Anthus spinoletta)

Colhereiros (Platalea leucorodia) e Garçotas (Egretta garzetta)

 Combatente (Philomachus pugnax)

 Pica alpina (Anthus spinoletta) mudando a plumagem nupcial

   O baixo nível hídrico que a lagoa adoita ter na Primavera resulta ideal desde o ponto de vista da observaçom ornitológica mas nom o é tanto desde o ponto de vista ecológico. A xunqueira/canaval amosa arestora amplas áreas de lama seca onde devera haver pequenas láminas de auga. Éste é um factor que repercute moi negativamente na capazidade de acolhida de aves deste humidal que, por esse motivo, dispom de umha povoaçom de aquáticas reprodutoras moi cativa, moi inferior à que poderia ter polas suas características se contasse com um maior nível de auga nesta estaçom.


"Claros da marisma" completamente secos

      Mentras afotava paisagens da lagoa aparecérom, cómo nom! as duas espécies mais características do "espaço protegido": Homo subnormalis e Canis horribilis.


       Nos prados enchoupados de Taraça a vida está começando a rexurdir após o frio e chuvioso inverno.




    Precissamente em umha gávia a carom da pista atopava umha concentraçom de uns 750 cucharóns de Sapo comum (Bufo bufo)



      O outro dia identificara-os como larvas de Sapo raxado (Discoglossus galganoi), vistos desde o carro, mas hoje paréi ali e comprovei que eram realmente de bufo, logo de mirar o desenho caudal e a situaçom do espiráculo, na parte esquerda do corpo.


    O extremo redondeado da cola e o nascimento da crista caudal, à altura quasse do final do corpo, som característicos para identificar os cucharoês de Bufo bufo (ou B.calamita, moi semelhante e tamém presente na Frouxeira aínda que ocupa um nicho ecológico moi diferente).

 Cucharom de Sapo comum (Bufo bufo)

   O desenho das membranas caudais é moi importante para diferenciar estas larvas das de Sapo raxado que, miradas com lupa naturalista (ou con fotografia macro), amossam um desenho "em rede", ausente en Bufo, espécie na que a membrana simplemente aparece moi pigmentada, como vedes na seguinte imagem. A situaçom do espiráculo é o detalhe diagnóstico nestes cassos, pero isso já resulta mais complicado de ver.

 Detalhe da membrana caudal

   A minha equipa habitual agora é, digamos, "armamento ligeiro". A tampa dum simple tarro de conserva pode servir como "estudo fotográfico", e um pequeno trueiro de aquário para colher exemplares. E será máis cómodo de desinfectar tamém, que já sabemos o problema tan grave que estamos a ter nas povoaçoes de anfíbios por culpa do contágio de novas enfermidades e virus.


     O Pintafontes ou tritom comum (Lissotriton boscai) é desde logo o urodelo aquático mais abondosso na Galiza toda. A sua capazidade para vivir em pontos de auga mínimos e regatos estacionais fam que estea presente em todo o país. Penso que L.helveticus e T. marmoratus som um  pouco mais esigentes na selecçom de hábitat (se procede que me corrigam os herpetólogos).


   A tampa resulta algo moi útil para um naturalista. Nom pesa, nom avulta, mas é tremendamente práctica para fotografar pequenos vertebrados ou invertebrados aquáticos.


Pintafontes comum (Lissotriton boscai), macho

 
  E con este simpático Tritom deixo-vos até a próxima.
  A Primavera vém aí....

4 comentarios:

  1. Hola Xabier: Gracias por recomendar la página de Vimeo. Por cierto, después de despedirnos, desde el "puesto" de observación, pude grabar al avetoro en vuelo, que tenía una o dos primarias del ala izquierda rotas. Un saludo, J. Roberto Fdez.

    ResponderEliminar
    Respuestas
    1. Ostia!! Compra lotaría hoxe, que iso non pasa todos os días!
      Eu tiña pensado buscar precisamente Abetouro este mes pero botei dúas semanas fastidiado coa farinxite e perdín uns días preciosos.
      O ano que vén a ver se cadra mellor.
      Grazas pola visita Roberto.
      PD: Interesante ese dato das plumas, por se aparece outro (non sería nada raro)

      Eliminar
    2. Si me mandas tu correo te envío una captura del fotograma.

      Eliminar