Esta sexta feira (feriada em Ferrol) acheguei-me de novo até a ribeira Sul da ria de Ferrol para fazer um controlo rápido de aquáticas invernantes, especialmente no relativo a duas espécies bem interessantes como som o mergo cristado e o mergulhon de pescoço negro.
Panorámica desde o meu "observatório"
O exemplar fêmea/juvenil de mergo cristado segue connosco. Tendo em conta que esta ria nom destaca pola sua riqueza anatídea sempre é umha observaçom com glamour.
Mergo cristado (Mergus serrator)
Este mergo adoita alimentar-se na baía de Maninhos, moitas vezes acompanhando os alavancos que ali estám. Sobretodo nas primeiras horas da manhá. Semelha que logo prefere as augas do Seixo e hoje voava cara alô arredor das onze da manhá, coa maré a baixar. Um dado imteressante para os censadores que vaiam cubir esta localidade nos censos de Janeiro
Mergo cristado (Mergus serrator)
Mergo cristado (Mergus serrator)
Nikon P1000 focal 2000 mm ISO:450 V:1/250 F:6,3
A outra aquática importante à hora do censo é sem dúvida o mergulhom de pescoço negro, que tem em Ferrol umha das localidades mais importantes de invernada, nom já na Galiza, senom em toda a costa N peninsular, com até 150 exemplares censados.
Na seguinte image aparescem várias espécies típicas da ria: gaivota patimarela (Larus michahellis), corvo marinho cristado (Gulosus aristotelis), mergulhon de pescoço negro (Podiceps nigricollis) e um exemplar de pescador desportivo (Homo chipironensis)
Em todos os controlos que figem este inverno sai umha cifra de 31-32 mergulhons de pescoço negro, a mais cativa desde que censo regularmente a espécie (há uns vinte anos).
Mergulhons de pescoço preto (Podiceps nigricollis). Grupo completo hoje
Espero que estas notas breves sejam de utilidade para os colegas que vaiam censar a ria este ano.
Cidade de Ferrol (cos estaleiros à esquerda) desde Maninhos (Fene)
Ningún comentario:
Publicar un comentario
Para comentar es necesario identificarse con nombre y apellidos