Seguidores e seguidoras

lunes, 25 de julio de 2016

Valdovinho, noticiário ornitológico breve.

    Boas, neste dia da pátria galega os que nom somos patriotas estamos liberados para sairem ao campo sem maior sentimento de culpa. Aínda que umha manhá ventosa e nubosa estragóu a saída que inicialmente ia dedicar às libélulas.

  O lago de Valdovinho segue baleiro, o qual é moito bom agora que começa o passo migratório. Hoje havia pouca cousa por mor dos ventos moderados de NE (pésimos nestas alturas): 6 Biluricos comuns (Tringa totanus) como mais salientável. Tamém vim dous polos e um adulto de Rascóm da auga (Rallus aquaticus) correndo pola ribeira NW.

  No encoro das Forcadas localiçava um ninho de Mergulhom pequeno (Tachybaptus ruficollis).


   É a primeira notícia que tenho da cria esta temporada. Quiçá seja umha segunda postura.

 Mergulhom pequeno (Tachybaptus ruficollis)
 
   Os dous membros da parelha estavan aló. Úm deles deu-lhe a volta com moito coidado a um objecto que semelha claramente un ovo. Assim que estám a chocar.

 Mergulhom pequeno colocando os ovos

   Na cola da barragem era um casal de Mergulhom cristado (Podiceps cristatus) o que nadava a carom dos seus dous pitinhos.


 Mergulhom cristado (Podiceps cristatus) com dous pitos

  Por último vai a foto de umha Crisopa, insecto curioso que se alimenta de pulgóns. Na compaña de Antonio e Pablo Gutiérrez figemos umhas fotos dela em circunstáncias complicadas, como bem sabem eles. Umha vez seleccionada e editada, nom ficóu mal de todo.

Crisopa sp (Chrysopa carnea?)

   E rematamos por hoje.

2 comentarios:

Para comentar es necesario identificarse con nombre y apellidos