Voltamos por Moeche

  Onte tivemos un sábado extraordinariamente caloroso, con 37,3ºC rexistrados onte en Ferrol, a máis alta de Galiza (algo bastante inusual). Pola tarde baixou a 30º C pero medrou a humidade até un 40-45%. A sensación foi certamente abafante. Hoxe tivemos un día bastante máis levadeiro.

Nos campos de Moeche sempre vai fresco de mañá e onte podía fotografar un corzo femia.

Corzo europeo (Capreolus capreolus) femia, 06:47 hora galega

OM-1 + Panasopnic 100-300 mm  f:5,6   ISO:6400   V:1/160   F:5,6

  Ademáis da ausencia de cornos en toda época, podemos diferenciar ás femias polas suas proporcións, menos robustas que as dos machos. E son máis altas na grupa que na cruz. Tamén é diferente a mancha branca da zona caudal.

Corzo europeo (Capreolus capreolus) femia

OM-1 + Panasopnic 100-300 mm  f:5,6   ISO:6400   V:1/160   F:5,6

    A esta femia vina algo "gordocha", ainda que a época de partos está case a rematar, polo visto. 

Corzo europeo (Capreolus capreolus) femia

OM-1 + Panasopnic 100-300 mm  f:5,6   ISO:3200   V:1/100   F:5,6

  Momentos antes, Chosca e os pequerrechos cruzaban o "Camiño da martaraña". Xunto delas permanecía impasible un tordo. Un tordo suicida, ou non mo explico.

Familia de martarañas (Martes martes) e tordo suicida

OM-1 + Panasopnic 100-300 mm  f:5,6   ISO:25600   V:1/250   F:4,6

Chosca e familia

Martaraña dando un chimpo e tordo suicida a su bola

    Ás 8:15 unha martaraña solitaria (o macho do territorio, supoño) cruzaba polo sitio habitual, sobre o Rego de San Xurxo. Nesa zona máis sombriza que se ve xunto ao sinal; un lugar que parece ter moita importancia para a marcaxe territorial (non hai semana sen caca fresca).

"Estrada das cacas"

     Esta mañá voltaba polas Regas, one había tempo de trebón e caeu algo de choiva.

"Camiño do xabalí"

Samsung A25 (focal 27 mm equiv.)  ISO:200   V:1/250   F:1,8

     No camiño do xabalí concentrábanse unha morea de paxaros. A causa, penso, era a presenza de formigas aladas, que adoitan sair en enxame con tempo coma o de onte.

Tordo músico, picanzo vermello, merlos e demais familia

Paporrubio (Erithacus rubecula) con captura

     Hoxe acoplei o teleconvertidor MC1,4x ao Zuiko 300 f.4, pero se os bichos están lonxe non hai moito que facer.

Pimpín común (Fringilla coelebs) femia

    Levo dúas semanas sen ver femias de picanzo. Supoño que estarán a chocar. O territorios T1 e T2 semellan asentados. De T3 e T4 non sei nada desde hai tempo. Pinta mal este ano.

Picanzo vermello (Lanius collurio) macho T1

Picanzo vermello (Lanius collurio) macho T1

   Teño por costume levar a cámara no asiento do copiloto até que saio da zona de campeo. Sempre hai algo que fotografar durante o transecto de volta. Neste caso unha parella de picapaus grandes que estaban a coller alimento para os polos.

Picapau grande (Dendrocopos major) 

     Ata penso que sei onde poden ter o niño, polos reclamos que escoitei. Haberá que investigar.

Picapau grande (Dendrocopos major) femia apañando comida