Cambio de estación e primeira martaraña (Martes martes)

    O inverno quedou atrás. Aínda vai caer moita auga daquí a xuño pero aquel tempo de moitas xornadas ou mesmo semanas continuadas de choiva xa remataron. Co aumento das horas de luz as temperaturas tamén subiron dabondo e xa temos máximas de 20 ou 22ºC cando vai sol. Estamos na primavera e iso permite volver a fotografar bicharía cativa.

Tipula vernalis. Fam. Tipulidae

Sony RX10 III (focal 600mm equiv.)  ISO:400  V:1/250   F:4

  

  Aproveito para publicar unhas fotos de libeliñas tomadas coa Sony RX10 III, agora mellor editadas.

Gaiteiriño forestal (Chalcolestes viridis). Imaxe bastante recurtada

Sony RX10 III (focal 600mm equiv.)  ISO:1000  V:1/500   F:5,6

Gaiteiriño montano (Lestes sponsa)

Sony RX10 III (focal 600mm equiv.)  ISO:100  V:1/500   F:4

  Non canso de insistir na necesidade de comprar cámaras que dispoñan de formato RAW (arquivo sen comprimir). E, no caso de telo, gardar as copias nese formato.

 A seguinte foto é probablemente unha das máis bonitas que tomei xamáis. Polo bicho en si, polo fondo desenfocado, pola composición e por ser cunha bridge de sensor 1/2,3" (a túa SX50 aínda vai mellor en macro, Manolo). Lamentablemente tiven un despiste, borrando o cartafol onde estaba o RAW, e agora só dipoño do recurte que fixen entón, de 600x800 píxeis, co cual non se pode facer nada obviamente. É ún dos casos en que máis sufrín por perder o orixinal.

Gaiteiriño dríade (Lestes dryas). Ano 2016

Canon SX60 (21-1365 mm equiv.)  Parámetros descoñecidos

 Nesta mañá de domingo fun dar unha volta por Moeche, o meu local patch de primavera. 

Val de Moeche (A Coruña). Autodisparo sobre saca de lentellas no capó do carro.

SonyRX10  (focal 104 mm equiv)  ISO:100   V:3,2"   F:5

  Cheguei ás regas de Casalousada con 2,5ºC e unha humidade que metía medo. Tiven un "ataque de fotógrafo" e púxenme a facer tontarías coas maneiras tan pouco ortodoxas habituais.

Val de Moeche (A Coruña). Autodisparo sobre saca de lentellas no capó do carro.

SonyRX10  (focal 65 mm equiv)  ISO:100   V:8"   F:5

Val de Moeche (A Coruña). Autodisparo sobre saca de lentellas no capó do carro.

SonyRX10  (focal 77 mm equiv)  ISO:100   V:10"   F:5

   

  Ás sete da mañá hora zulú comezaba a primeira "espera mustélida" da temporada. Levaba corenta minutos aburrido e pasando frío cando apareceu a primeira martaraña deste 2026.

Martararaña (Martes martes)

  Seguramente un mesmo exemplar que apareceu e desapareceu varias veces entre as 7,40 e as 7,55 h, o seu horario habitual. Ollando as fotos na casa deime conta que semellaba ter un problema no ollo esquerdo. Ampliando a foto paréceme unha carracha desas inchadas. Estou á espera do que me resposte o experto Marcos Mallo (envieille as fotos por correo).

Martaraña (Martes martes) con aparente problema ocular

OM-1 + Zuiko 300 mm f:4  ISO:6400   V:1/250   F:4

Martaraña (Martes martes)

OM-1 + Zuiko 300 mm f:4  ISO:6400   V:1/250   F:4

Martaraña (Martes martes) onde sempre

  Teño moitas ganas de fotografala co novo tele. Volvemos coa bridge e fotos de paxaros pousados entre ramallada. Non é doado pero tampouco imposíbel.

Picafollas ibérico (Phylloscopus ibericus)

Sony RX10 III (focal 567 mm equiv)  ISO:200   V:1/500    F:4

Tordo músico (Turdus philomelos) a cantar

Sony RX10 III (focal 600 mm equiv)  ISO:800   V:1/160    F:4

Tordo músico (Turdus philomelos). Enfoque manual

Sony RX10 III (focal 600 mm equiv)  ISO:800   V:1/160    F:4

 

     Ben, alegroume moito volver unha martaraña. A observación casual de mamíferos activos de día é moito máis frecuente nos meses próximos ao solsticio de verán, supoño que porque a noite se lles fai breve para todo o que teñen que facer nesa época (entre outras cousas reproducirse). Pero xa tedes en Netflix a nova temporada de "Martarañas en Moeche".