29/10/2025 Umhas fotos da ria de Ferrol (voltamos à norma AGAL)

 Onte ao saír do trabalho dei umha volta pola ria de Ferrol. Chovia miúdo e logo começou chover mais forte mas tivem tempo a sacar algumhas fotos. A primeira dumha espécie invasora, por desgraça (nas próximas semanas algúns companheiros de Navantia ham avisar-me que hai um cisne em Neda).

Cisne mudo (Cygnus olor)

Sony RX10 III (focal 600 mm)   ISO:200   V:1/320    F:4,5

     Precissamente em Neda fazia outro "censo para gente preguiçosa", tomando fotos aqui, acó e acolá. Saírom um total aproximado de 185 lavancos reais desde a EDAR (no fondo de Xúvia haveria mais, inaccesíveis com essa óptica tam cativa).

Lavancos reais (Anas platyrhynchos), foto de censo

  As gaivotas patimarelas já mostram a plumagem de inverno completa, com esas pintas escuras na cabeça e caluga.

Gaivota patimarela (Larus michahellis)

Sony RX10 III (focal 400 mm)   ISO:200   V:1/250    F:5

 Pola contra as gaivotas de cabeça preta estám agora mais brancas que de verão, cumha tonalidade branca pantasmal em quasse todo o seu corpo. Qué fermosura de ave!

Gaivota de cabeça preta (Icthyaetus melanocephalus)

Sony RX10 III (focal 600 mm)   ISO:800   V:1/1000    F:5

Garça real (Ardea cinerea)

Sony RX10 III (focal 600 mm)   ISO:200   V:1/160    F:5

    Terminamos com dous habitantes típicos dos peiraos de Baralhobre (Fene) ou Maninhos (Mugardos): a garça real e o confiado bilurico das rochas. Rematada a pasagem outonal, semelha que já temos connosco aos indivíduos invernantes. Coma éste, que colhia cumha lus moi cálida.

Bilurico das rochas (Actitis hypoleucos)

Sony RX10 III (focal 600 mm)   ISO:400   V:1/400    F:4,5

 E coa entrada deste ar mais frio, começaremos a ter novidades nas rias e humidais galegos.