Palestra na Piruchela coa apresentaçom do livro de João Aveledo

  A apresentaçom d´As Histórias da Galiza Natural tivo bastante sucesso. Ademais de falar sobre o livro de João servíu para conhecer o local do Colectivo A Piruchela e atopar-me com amigos coma Joám Lópes, Toni de Bazan, Césio, Çalo Grandal, Manolo Rei ou Roberto Sanxurxo, ademais de José Ramón, que me acompanhou até aló.

Ambiente no local da Piruchela

 

  Umha associaçom, A Piruchela, que vém sendo uma espécie de sociedade gastronómico-cultural (onde haxa galegos haverá "mantença"). Nada mais entrar pola porta já ules os petiscos que estám a cocinhar para depois da actividade. Um ambiente certamente agradável, familiar e enxebre.

João Aveledo (à esda.) e mais eu

  Sobre o livro já comentei a maravilha que é. Desde logo que vai ser úm dos meus textos de consulta em moitas entradas do blogue. Nom digo mais.

João (esda) e mais eu (drta)

   A palestra duróu quasse duas horas e houvo intervençons moi interessantes. Ponho umhas fotos sacadas por "S.R." e Leandro Lamas, conhecido ilustrador de Trasancos moi vinculado ao movimento soberanista galego (igual que a maioria dos ali presentes). 

      Como vedes, foi um acto aberto. 

O "Padre Manolo Rei" comprando a Bhagavad Gita a um Hare Krishna

  Em fin, encantado de botar umha mão aos colegas da Piruchela e a esse grande naturalista que já é, por mérito próprio,  João Aveledo. E se topades numha livraria "As Histórias da Galiza Natural" nom perdades a oportunidade de comprar a que para mim é, sem nengumha dúvida, a segunda parte de "Galicia viva. La fauna gallega y algo más" do mestre Curt (D.E.P.).