Bichos e demais familia: Libeliñas no Basteiro (segunda parte): donceliña pequena!

xoves, 9 de xullo de 2026

Libeliñas no Basteiro (segunda parte): donceliña pequena!

Logo do éxito de onte este mediodía voltei polo Basteiro na compaña de Manolo Rei coa intención de saber algo máis sobre a esmeralda de Curtis (Oxygastra curtisii). Cando marchaba volveu aparecer a femia do día anterior.

A nova da xornada foi a observación dunha nova especie de odonato para o Rego do Basteiro: a donceliña pequena (Coenagrion puella), con tres exemplares observados. Seguramente as dez "mercuriale" que vira ontes eran puella. Non vou modificar ese post por agora, non vaia ser que fiquen aínda donceliñas de Mercurio.

Donceliña pequena (Coenagrion puella)

Así de memoria penso que é a primeira vez que vexo dous Coenagrion diferentes na mesma localidade. Van unhas imaxes testemuñais desta cita, que supón a especie de odonato número 16 observada nun lugar tan cativo. Non está mal!

Donceliña pequena (Coenagrion puella)

Estiven mostrándolle a Manolo algunhas das especialidades do lugar.

Libélula celeste (Orthetrum coerulescens) macho

OM-1+ Panasonic 100-300 mm f:5,6 ISO:200 V:1/320 F:7,1

Libélula celeste (Orthetrum coerulescens) macho

OM-1+ Panasonic 100-300 mm f:5,6 ISO:200 V:1/400 F:5,6

Libélula celeste (Orthetrum coerulescens) macho

OM-1+ Panasonic 100-300 mm f:5,6 ISO:200 V:1/250 F:7,1

Cómpre salientar que hoxe puiden observar tres especies de anisóptero (as libélulas grandes) ovopositando. Ou sexa, reproducíndose con éxito no Rego do Basteiro.

Emperador grande (Anax imperator)
Libélula celeste (Orthetrum coerulescens)
Lavacú escarlata (Crocothemis erythraea)

Libélula celeste (Orthetrum coerulescens) hembra ovopositando

Emperador grande (Anax imperator) femia ovopositando

Estivemos tentando fotografar os emperadores grandes en vóo, tarefa moi complicada se os bichos non fan algunha desas breves paradas no ar. A final eu conseguín coller ún, máis ou menos ben.