10/05/2026 Visita de control á lagoa de Valdoviño

  Hoxe tocou visita á lagoa da Frouseira, que volve estar aberta. Unha condición necesaria para a sedimentación de acuáticas migrantes se os ventos son favorábeis. Hoxe non o eran.

   Saquei o telescopio para facer un censo (agás patos):

• + Patos cincentos (Mareca strepera)
• 1 Asubión común (Mareca penelope)
• + Lavancos reais (Anas platyrhynchos), entre eles 5-6 femias con polos (4 medianos, 3 pequenos, 10 pequenos, 7 grandes, 5 medianos e + ?, non vistos ben)
• 1 Zurrasca eurasiática (Rallus aquaticus) escoitada
• 1 Galiña de auga común (Gallinula chloropus) escoitada
• 1 Galo de auga común (Fulica atra) no sector SE. A lagoa estivo pecha en abril e quizá se anime algunha parella. Haberá que estarmos atentos
• 11 Mazaricos chiadores (Numenius phaeopus)
• 1 Bilurico das rochas (Actitis hypoleucos)
• 2 Gaivotas choronas (Chroicocephalus ridibundus)
• 3 Mergulletes comúns (Tachybaptus ruficolis)
• 2 Corvos mariños grandes (Phalacrocorax carbo)
• 2 Garzas brancas pequenas (Egretta garzetta)
• 1 Garza boieira occidental (Ardea ibis)
• 2 Garzas brancas grandes (Ardea alba)
• 2 Garzas reais (Ardea cinerea)
• 2-3 Garzas vermellas (Ardea purpurea)

 

Lavancos reais femias con pitos 

Galo de auga común

    Xusto cando cheguei as garzas brancas grandes estaban moi perto. Pero mentras facía o varrido co teles marcharon a outra zona da lagoa, moito máis lonxe.

Garzas brancas grandes (Ardea alba)

  Nesta época do ano a garza branca grande móstrase bastante diferente ao aspecto invernal que coñecemos da invernada nas rías (agora ten o bico preto e as patas rosas). 

Garza branca grande 

Garza branca grande 

Garza branca grande (Ardea alba)

OM-1 + Zuiko 300 mm  f:4   ISO:800  V:1/320   F:4

Garza branca grande (Ardea alba)

OM-1 + Zuiko 300 mm  f:4   ISO:400  V:1/500   F:4,5

    Sucedeu algo parecido cunha das garzas vermellas, pousada na Lapela durante o reconto de acuáticas e que depois só puiden fotografar en vóo.

Garza vermella en vóo

Garza vermella 

 Polas fotos, estes exemplares de hoxe semellan non adultos de segundo ou terceiro ano. En calquer momento podemos ter unha sorpresa coa especie, cada vez máis frecuente. 

Garza vermella (Ardea purpurea)

OM-1 + Zuiko 300 mm  f:4   ISO:3200  V:1/640   F:4

  Eu non tiven moita sorte e todas as fotos destas bonitas garzas foron desde lonxe. Pola mañá veu a casa José Ramón Castro e me deixou a tarxeta da súa cámara para que escollese e editase as fotos que quixera. El pillounas mellor coa Nikon P1000 (unha cámara que me comprou a min).   

Garzas brancas grandes e garza vermella

  Por certo, foi un pracer poder editar os RAW desa cámara co novo software/hardware. Unha edición moi diferente ao que fago cos arquivos da Sony ou da OM-1.

Garza vermella

Nikon P1000 (focal 24000 mm equiv.)  ISO:100   V:1/250   F:8

Garza vermella e garza branca grande

Nikon P1000  (focal 1600 mm equiv.)   ISO:100   V:1/320   F:8

    Tamén fotografou unha escea tradicional dos espazos naturais "protexidos". Borrei a cara da protagonista por se acaso. Esa xente sábese tan impune (pola protección política de que gozan) que é capaz de denunciarme a min por denunciar que infrinxen a lei. O mundo ao revés.

O de sempre onde sempre

   Esta fotografía serve para lembrar que o mascotismo segue a ser ún dos principais problemas medioambientais galegos, especialmente en espazos naturais coma praias e lagoas. A clase política, os axentes da Xunta e as forzas de orde son todos cómplices directos. A min non me enganan.