Picas e lavandeiras

  Estes días puiden sacar varias fotos de pica dos prados na ribeira de Neda. Un paxaro que tamén "colabora" dabondo co fotógrafo.

Pica dos prados (Anthus pratensis)

OM-1 + Panasonic 100-300 f:5,6     ISO:1600   V:1/200   F:5,6

    Nas fotos en que está pousada quizá debín abrir diafragma todo o posíbel (a F:5,6) porque nun sensor 4/3" a profundidade de campo é moito maior que nun APSC, non digamos xa un Full Frame. Estaría mellor que a herba tivese algo máis de desenfoque, penso.

Pica dos prados (Anthus pratensis)

OM-1 + Panasonic 100-300 f:5,6     ISO:1600   V:1/125   F:6,3

Pica dos prados (Anthus pratensis)

OM-1 + Panasonic 100-300 f:5,6     ISO:1600   V:1/200   F:7,1

 

    Pousou nunhas pedras onde o fondo xa está completamente fóra de foco. 

Pica dos prados (Anthus pratensis)

OM-1 + Panasonic 100-300 f:5,6     ISO:800   V:1/125   F:5,6

Pica dos prados (Anthus pratensis)

OM-1 + Panasonic 100-300 f:5,6     ISO:800   V:1/125   F:5,6

   Sigo pensando que a OM-1 chega a ISO1600 con perda de calidade mínima, case inapreciábel. Alomenos desde os ollos dun novato nisto da fotografía coma son eu.

Pica dos prados (Anthus pratensis)

OM-1 + Panasonic 100-300 f:5,6     ISO:1600   V:1/200   F:6,3

  Foi unha mágoa que neste último disparo a pica decidise mover o rabo, cagho na tos...

Pica dos prados (Anthus pratensis)

OM-1 + Panasonic 100-300 f:5,6     ISO:1600   V:1/200   F:6,3

   No mesmo sitio observei unha lavandeira branca días antes e puiden fotografar a captura que realizou: un coleóptero. Se os que saben non din o contrario diría que é un estafilínido.

Lavandeira branca (Motacilla alba)

OM-1 + Zuiko 100-400 mm   f:6,3     ISO:400   V:1/800   F:8

Lavandeira branca con captura (escarabello sp. Fam. Staphylinoidea)

OM-1 + Zuiko 100-400 mm   f:6,3     ISO:400   V:1/800   F:8

 

     O mes pasado xa chegaron as lavandeiras reais invernantes á nosa ría. Probablemente moitos exemplares procedentes de ríos e regatos próximos (de feito é reprodutor case na propia ría). Mas tamén haberá individuos procedentes de Centroeuropa.

Lavandeira real (Motacilla cinerea)

OM-1 + Zuiko 100-400 mm   f:6,3     ISO:1600   V:1/800   F:7,1

  Falando de invernada e de Europa, a cousa está bastante parada por un motivo obvio. Nin vai frío nin as condicións son as que se necesitan para que se dea unha chegada de acuáticas. O luns vin unha imaxe dunha web meteorolóxica que copiei e pego aquí. 

 Como vedes unha fonda borrasca está centrada ao NW da península ibérica. No hemisferio norte un ciclón - nome técnico da borrasca - xira no sentido contrario ás agullas dun reloxo. Así pois o fluxo de ventos é o que indica a frecha vermella. E ventos cálidos, ademáis. Por ese motivo resulta difícil que estes días haxa novidades importantes no relativo á invernada.

Situación meteorolóxica de Europa occidental esta semana

 Haberá que esperar, entretido coas humildes picas e lavandeiras.