Tiña ganas de estrear a Nikon P950 na ría de Ortigueira e para aló fun esta primeira mañá do ano.
Mirando cara o sector norte, cheo de limis
Adiquei a primeira hora e media a censar. Había moitas anatídeas no sector sur da ría e moitas limícolas mirando cara o norte. Sabía que non me había dar tempo a contar todo e logo de meditalo un cacho decidín comezar por ardeidas e limícolas. Foi un erro, pois cando me puxen cos patos a marea xa estaba demasiado baixa e o sol de inverno case de frente.
Ollando cara a parte sur da ría
Imos cos datos do censo (lembrade que é un censo parcial realizado únicamente desde o peirao de Ortigueira, non un censo completo da ría):
- 100 Culleretes boreais (Spatula clypeata). Contados dúas veces. Boa cifra no século XXI. Esta ría segue a ser a segunda localidade galega en importancia para a especie, detrás da inalcanzábel enseada do Grove
- 700 Asubións comúns (Mareca penelope). Estimación. Un conteo certamente difícil
- Aprox. 180 patos rabilongos (Anas acuta). Haberá que contalos mellor
- 90+ Cercetas eurasiáticas (Anas crecca)
- 6 Mourelos euroasiáticos (Melanitta nigra)
- 100-200 Lampareiros eurasiáticos (Haematopus ostralegus). N.C.
- 56+ Píldoras cincentas (Pluvialis squatarola). Despois entraron máis
- 50-100 Mazaricos chiadores (Numenius phaeopus). N.C.
- 300+ Mazaricos reais (Numenius arquata). N.C. Estimados a ojímetro
- 45+ Fuselos de rabo pinto (Limosa lapponica)
- 100 Fuselos de rabo negro (Limosa limosa). Non me afago ao sorpasso de L.limosa sobre L.lapponica nesta ría (manías de censadores...)
- 82 Biluricos comúns (Tringa totanus). Boa cifra
- 1 Bilurico escuro (Tringa erythropus) no intermareal norte
- 71 Biluricos pativerdes (Tringa nebularia)
- 8 Pilros grosos (Calidris canutus)
- ++ Pilros comúns (Calidris alpina). N.C. Non moitos. Digamos 300-400?
- + Gaivotas típicas (C.ridibundus, L.fuscus, L.michahellis, L.marinus). A salientar os berros de ameaza e vóos intimidantes a baixa altura que me fixo un gaivotón (Larus marinus). Os mesmos que me facía a parella reprodutora en Navantia cando me achegaba ao niño. Ollo con este dato (sei que xa aniñou en illotes próximos á ría)
- 2 Mobellas grandes (Gavia immer)
- 1 Corvo mariño grande (Phalacrocorax carbo). Ollo con este dato tamén. É certo que por veces van moitos á enseada de Ladrido mas é raro que non queden unhas ducias aquí
- 64 Cullereiros comús (Platalea leucorodia)
- 45 Garzas brancas pequenas (Egretta garzetta)
- 1 Garza boieira occidental (Ardea ibis)
- 10 Garzas brancas grandes (Ardea alba)
- + Garzas reais (Ardea cinerea)
- 1 Águia pescadora (Pandion haliaetus)
Culleretes boreais (Spatula clypeata)
Anatídeas na "curva"
Patos rabilongos (Anas acuta) e asubións comúns (Mareca penelope)
Asubións comúns (Mareca penelope)
Fuselos de rabo negro (Limosa limosa) e mazaricos
Cullereiros comúns (Platalea leucorodia)
Cando marchaba chegou Álvaro e tamén uns cullereiros. Aproveitei para tomar unhas fotos.
Cullereiro común (Platalea leucorodia)
Nikon P950 focal 1600 mm ISO:100 V:1/500 F:6,3
Cullereiro común (Platalea leucorodia)
Nikon P950 focal 1100 mm ISO:100 V:1/500 F:5,6
Cullereiro común (Platalea leucorodia)
Nikon P950 focal 1400 mm ISO:200 V:1/800 F:6,3
Garzas brancas grandes (Ardea alba)
Unha visita breve da que levo unha impresión positiva. Non semella unha invernada como para tirar foguetes mas penso que os censadores non se han aburrir este ano na ría de Ortigueira.
