Zuiko PRO 300 mm f:4, primeira toma de contacto

   Finalmente a cousa foi máis rápida do previsto e xa teño o meu primeiro obxectivo "PRO" (profisional, vaia). Esta mañá recibía o aviso de que xa podía recollelo e non me resistín a probalo nos peiraos da ría. Coma primeira foto para a estrea escollín un par de gaivotas patiamarelas, situadas a uns 100 m. Nese momento xa me dei conta que acababa de "cambiar de liga".

OM-1 + Zuiko 300 mm  f:4   ISO:400   V:1/800   F:5

  Lamentablemente o día non estaba polo labor. Unha luz bastante mala e bichos pouco fotoxénicos ou lonxe, mas algo foi aparecendo. Unha das prestación que máis me interesaban do novo obxectivo era o desenfoque dese f:4, toda unha novidade para quen leva anos traballando con sensores pequenos nos que o famoso bokeh resulta case inapreciable.

OM-1 + Zuiko 300 mm  f:4  ISO:200   V:1/800   F:4

  Outra novidade para quen escribe é que se trata do primeiro obxectivo con focal fixa que teño. Técnicamente dá máis calidade pero a cambio non podes xogar moito coa composición.

  Por certo, ao principio fíxenme a picha un lío porque descoñecía o sistema para cambiar de autofocus a enfoque manual (desprazando o anel de enfoque de diante para atrás). Tiven que consultar cos da tenda para que me explicasen como era. Tamén probei a montar o teleconvertidor MC1,4x. Con el acoplado o Zuiko 300 f:4 convértese nun 420 mm f:5,6. Se aplicamos as famosas equivalencias en formato 35 mm (coas que moitos fotógrafos non están dacordo e non lles quito parte de razón) estaríamos a falar dun 840 mm  f:5,6.

Disparo con foco manual

OM-1 + Zuiko 300 mm  f:4 + MC 1,4x  ISO:400   V:1/1000   F:5,6

  Vaian por diante dous detalles:

• Todas as tomas deste post están algo recurtadas; básicamente porque teño configurada a cámara para formato 4:3 e agora prefiro publicar en 3:2 ou 16:10
• Mentras non coñezo o tele quizá debería quedarme cos JPG. Pero tamén tiña a cámara configurada para disparar en RAW + JPG normal, non JPG fino ou extrafino. Así que ao final hoxe acabei por editar os RAW un pouco a cegas

OM-1 + Zuiko 300 mm  f:4 + MC 1,4x  ISO:400   V:1/640   F:5,6

OM-1 + Zuiko 300 mm  f:4   ISO:200   V:1/1000   F:5

     Veño de pesalos na báscula da cociña e o Zuiko 300 f.4 pesa uns 100 gr máis ca o Zuiko 100-400 f:6,3, sendo dun tamaño bastante semellante. Co duplicador será un chisco máis.

Probando desenfoque desde o suxeito principal

OM-1 + Zuiko 300 mm  f:4 + MC 1,4x  ISO:400   V:1/640   F:5,6

OM-1 + Zuiko 300 mm  f:4 + MC 1,4x  ISO:400   V:1/1250   F:6,3

Outros días as lavandeiras, os biluricos ou as picas pousan a dous metros do carro e podo acribillalos. Hoxe non quixeron colaborar, agás un exemplar de pica dos prados, ao que pillei daquela maneira. De feito na segunda toma moveu os pes para fastidiar a foto. 

OM-1 + Zuiko 300 mm  f:4    ISO:400   V:1/400   F:5,6

OM-1 + Zuiko 300 mm  f:4    ISO:400   V:1/400   F:5,6

   Insisto que mentras non coñezo o obxectivo debería quedarme só cos JPG de máxima calidade que ofrece a OM-1 (non cos RAW, que aínda non controlo). Pouco a pouco que isto é cousa seria.