Comparativa Zuiko 100-400 mm f.6,3 vs Zuiko 300 mm f:4

  Hoxe tiña pensado facer unha pequena comparativa entre os meus teleobxectivos Zuiko. Pero "el hombre propone y Dios dispone", di o refrán.

OM-1 + Zuiko 100-400 mm  f:6,3 (a 100 mm focal)   ISO:200   V:1/320  F:6,3

    Unha espesa néboa cobría a ría de Ferrol. Mesmo comezou chover lixeiramente. 

OM-1 + Zuiko 100-400 mm  f:6,3 (a 100 mm focal)   ISO:200   V:1/250  F:6,3

  Así pois, a comparativa tivo que facerse nunhas condicións ben complicadas. Un cullereiro en Barallobre (Fene)  foi o primeiro suxeito da proba. Primeiro disparando co 300  f:4.

Cullereiro común (Platalea leucorodia)

OM-1 + Zuiko 300 mm  f:4   ISO:1600   V:1/500  F:4,5

Cullereiro común (Platalea leucorodia)

OM-1 + Zuiko 300 mm  f:4   ISO:1600   V:1/500  F:4,5

   Logo montei o zoom 100-400  f:6,3. Ademáis dunha perda no contraste, no detalle e na textura apréciase moito máis o viñeteo (sobretodo nas imaxes orixinais, pois todas as deste post están un pouco recurtadas). Por non falar da moito maior luminosidade (f.4 fronte a f:6,3, 1 1/3 pasos) , que permite traballar cuns parámetros moito mellores, claro. 

     Tiña o balanzo de brancos en modo automático e diría que a cámara escolleu unha temperatura algo máis fría no caso do zoom. Ou mo parece a min, vaia.

Cullereiro común (Platalea leucorodia)

OM-1 + Zuiko 100-400 mm  f:6,3   ISO:1600   V:1/320  F:6,3

Cullereiro común (Platalea leucorodia)

OM-1 + Zuiko 100-400 mm  f:6,3   ISO:1600   V:1/250  F:6,3

   Ao principio mantiven o mesmo ISO cos dous teles, por non saír do rango ideal na OM-1. Despois subín un ponto a ISO3200, para poder poñer uns valores de velocidade e profundidade de campo menos "apretados" co 100-400. Os fotógrafos entenderán o que quero dicir.

Cullereiro común (Platalea leucorodia)

OM-1 + Zuiko 100-400 mm  f:6,3   ISO:3200   V:1/400  F:7,1

   Supoño que nunhas circunstancias deste tipo é cando mais se nota a calidade do equipo. 

Cullereiro común (Platalea leucorodia)

OM-1 + Zuiko 300 mm  f:4   ISO:800   V:1/250  F:5,6

  Unha garza branca pequena foi o segundo protagonista da proba. Do mesmo xeito comecei disparando co 300  f:4. Unha cousa importante: tede en conta que os bichos se moven. A distancia, e mesmo densidade da néboa, variaba entre unha toma e outra (cambiar o obxectivo leva un tempo no que o suxeito pode moverse moito). 

Garza branca pequena (Egretta garzetta)

OM-1 + Zuiko 300 mm  f:4   ISO:400   V:1/320  F:4,5

Garza branca pequena (Egretta garzetta)

OM-1 + Zuiko 100-400 mm  f:6,3   ISO:800   V:1/320  F:7,1

Garza branca pequena (Egretta garzetta)

OM-1 + Zuiko 100-400 mm  f:6,3   ISO:400   V:1/250  F:7,1

   Tamén acoplei o teleconvertidor no 300 f:4 que, digamos, iguala a focal entre ambos teles. Porén, cómpre ter en conta que as fotos sacadas nunhs condicións de luz tan difíciles poden mellorarse notablemente coas ferramentas que dispoñemos coa edición dixital (chámase o programa Lightroom, Photoshop ou Dark Table).

Garza branca pequena (Egretta garzetta). Toma  con edición básica

OM-1 + Zuiko 300 mm  + MC1,4x  f:5,6   ISO:800   V:1/250  F:7,1

Toma anterior mellor editada

   As fotos tomadas con néboa poden mellorarse moito se aumentamos o contraste e aferramenta "borrar neblina". Na seguinte foto apliquei tamén o borrado do viñeteo, que no 100-400 se nota dabondo.

Garza branca pequena (Egretta garzetta). Toma con edición básica

OM-1 + Zuiko 100-400 mm  f:6,3   ISO:800   V:1/250  F:7,1

Toma anterior con edición dixital importante

 E así terminamos esta comparativa pasada por auga.... digo por néboa.