Seguimos de vacacións en Ferrol. Esta mañá paraba na Praza de Ultramar, o outro pequeno parque do meu barrio. Máis cativo aínda que Porta Nova.
Praza de Ultramar (Ferrol)
Sony RX10 III (focal 24 mm equiv) ISO:800 V:1/125 F:4,5
Estou a coller gosto pola fotografía urbana. Mas non é doada. Cando non pasan carros pola escea cruzan persoas. Para estas cousas cómpre un obxectivo grande angular. Se empregas a focal mínima da Sony RX 10 - equivalente a 24 mm- aparecen distorsións moi importantes. Podería levar o 14-42 mm con algunha das micro 4/3" (porque aínda conservo a Pana G7) pero hoxe tocou a bridge.
Praza de Ultramar (Ferrol)
Sony RX10 III (focal 28 mm equiv) ISO:250 V:1/125 F:4,5
Esta praza ten unha riqueza de aves moi inferior á Porta Nova, por motivos obvios. Ainda que se poden observar rabirrubios tizóns, pombos, rolas turcas, pardais comúns ou merlos. Tamén é habitual escoitar o canto da papuxa das amoras. Vela é máis complicado.
Rabirrubio tizón (Phoenicuros ochruros) xuvenil
Sony RX10 III (focal 600 mm equiv) ISO:400 V:1/250 F:4
Lamentablemente os colirrubios gostan das zonas de sombra, onde menos luz hai. A este macho fotografeino con ISO 4000, unha sensibilidade elevadísima para un sensor de polgada (o máximo da cámara é 12.800). Deixei que a I.A. de Lightroom reducise o ruido un 30%.
Rabirrubio tizón (Phoenicuros ochruros) macho adulto
Sony RX10 III (focal 600 mm equiv) ISO:4000 V:1/250 F:4
Entre as moitas pombas domésticas que se achegan cando me sento no banco sempre aparecen rolas turcas. Hoxe había dous exemplares.
Rolas turcas (Streptopelia decaocto)
Esta praza no verán é moi sombriza, como se aprecia ollando as imaxes. Se aínda por riba o bicho non para quieto, como é o caso das rulas, a fotografía resulta moi difícil. Tiven que facer auténticos malabarismos entre velocidade e sensibilidade para conseguir algunha foto decente.
Rola turca (Streptopelia decaocto)
Sony RX10 III (focal 600 mm equiv) ISO:1000 V:1/200 F:4,5
Rola turca (Streptopelia decaocto)
Sony RX10 III (focal 600 mm equiv) ISO:800 V:1/250 F:4
Aquí seguimos, coñecendo Ferrol (vou ter que pedir unha subvención ao Concello).
Ningún comentario:
Publicar un comentario
Para comentar es necesario identificarse con nombre y apellidos